Matiu 26:33 - Ka Lamana'a Monoꞌi Lu Mu Tifiꞌehina Ka Yabe

³³ Ya luto Yesu noligo Pitau ma luto Yesu lu emi'ehina: Luga'amagi he'mi ketete koli hi su halanaya nani ma'naka he'mi ketoto mebiluna'mu yabe.

Matiu 26:33 Referans Kwoze

Luku 22:33

To Pitau ma luto lu emi'ehina: Sipi Bo, nani kai hiti buto nagalugu moneka bilu'ibe luto loloba huto nohube. To kai hiti moneka fililu'ibe luto loloba huto nohube.

Filipai 2:3

Lenalitinimu kehelite lenugufa lelitetiti nehanamofihi melilo. To lenigi le'mo saga mehilo. To lenegekesa yigite ligiti enebe ligilune lite ya melilo. Lenali komopatini lelite limite melelete lenigibo lenagabo enali kumu kehelinogo tilibe.

Romu 12:10

Lenali ai ginaga fi eminogo ai ginaga fi eminogo hite koguna ite minalo. Ya hite minete lenigitini liyafa mehise bonatinimo le'mo hofa tete minalo.

Maki 14:29

Ya ligo, Pitau ma lu emi'ehina: O'e. Enali asaga'i he'mi ketete fele su nehenogo nanigo minalube.

Yoni 21:15

To enali nose'na ne su he'ahago Yesu Simoni Pitahi lu emi'ehina: Simonio, kai Yonihi pana'a yale, kiginaga fi nonimitana enali'animofihi be ligi'ehina ni'ifihe? ya ligo Pitau lu emi'ehina: O'yo, Sipi Bo yale, niginaga fi nokumuna yamofihi akeheli'ahane. Ya ligo Yesu lu emi'ehina: Kai sipisipi yaga'ni nala'a kaba hu epolobo.

Matiu 26:32

Ya hu'ehinaya nani fili'ehilunagati aku'i ho tiloto'ni kohe toga Galili kapogu nobiluna'mu yabe.

Matiu 26:34

Ya luto ligo Yesu ka'alo lu emi'ehina: Kai ma kaga matuhakagu li molobo. Yatai folugu'i kokole nogo memolo'ehinogo kai loegi monegi yupahi nani'i mekeheli'ohube luto bahane halata'mu yabe.