Matiu 26:28 - Ka Lamana'a Monoꞌi Lu Mu Tifiꞌehina Ka Yabe28 Ya'ma nani golaha'ni ni'ibe. Hu'mau lu mu tifise'na'a golaha'ni huto hu molo'ohube. Asaga boana'magihi foipana'ani li gololo tu epalalibe luto nani nohekube. Gade chapit la |
Ya luto noloka hago nona'a ma luto lu emi'ohuna: Kibina bo'nimaka ya'ma kaika keheli'ahatigi lu menonimine. Ya luto lugo ai lu'ehina: Enali kalana'i mele ketelata nehanamofihi komopa'aguti enabaga hiti e'ahanamo ni'ibe. Enali gukete'ani ya'ma sipisipi nala'amofihi golaha'atu okala hite lite hapa'a li lolo hite li'ahabe.
Kilisitou ai ana huto kana moneko'i silaga bona'magihi foipana'ani ai gupisalo tigo he'mu kito Hu'mamofihi kuguhi koyo emiloto fili'ehina. Aku'i foipa nasana li su halibe luto ni'igopa aimofihi geba hite fifa ite minelata nehana bona'i Kilisitou enubuto bise foya aliha'a li su haluna'mu yabe luto aku'i kokulumaluguti limito huto hilube'mu hibe.
Ya hulago nubu egolago buto mana bu go'ohuna: Noto noto bona'i luga'amagihi babeyafa'a fato fato enugufa hiti to fato fato naga'i hiti to kaga'ani fato fato'i to naga'i babu lite ya'ma bo moneuba leka so su mehose suhi enali sekele mamu'a hiti kefa hisamofihi gobisalo to sipisipi nala'a ai maha'aga ho tite nehago bu enogo'ohuna. Enali ya'ma koholi kata li hekelete lose lose'na fekilite enayanugu ya'ma lose lose'na hekele ite lila lila hite mine'ahana.
To etali moneko babeyafa bomale'i meneha'ibe. Hu'mau foipanati he'mi letoto lehe'malina hapa'auba Atahi foipana be ligi'ehina. Ya'ma bo Atau, foipana lilata hu'ehina ya'mu babu bona'i foipana lite fili'ahana. Aku'i Hu'mamofihi lehe'mose'nauba ya'ma foipanamofihi hapa'a abe ligi'ehina yabe. Ai bo'a moneko'isi nohina lalitoga fa'mene limi'ehina ana bo Yesu Kilisito yabe. Ai'a lehe'mose'nauba bona'magita lele'mo bati hu'ehina yabe.
Yanauba keta hu tegi huto ni'inaya, bo moneubafi moneuba Hu'mamofihi pana'amofitoga megesa hu emilina to mino hepito mu tifise'namofihi kaga'alo golahi lepe tepe hu'ehina nasanauba komopa'a le'mo fana to'ehina yamofihi ai bu goto fa'mene lolo huto nohilina bomofihi Hu'mau hena hu etalina ni'ibe? To lehe'mose afo'afu Sikalafu'i yamofihi le'mo laba hilina ya'ma bomofihi Hu'mau hena hu etalina ni'ibe lite lenekesa nekehelibe. Ai le'mo sibina hu'ehinana'a sipi huto to keta'a hiti lilina'mu yabe.