Matiu 26:2 - Ka Lamana'a Monoꞌi Lu Mu Tifiꞌehina Ka Yabe

² Lenali akeheli'ahabe, loe yupahisi minolototi koyapa Hu'mau lubuto bu'ehina yupa kumu Pasa yabe nelana ya'ma nose'na naluta kana'a huto hilina'mu yabe. Ya hulenogoti Kokulumaguti limi'ehina Bomofihi le'mete bite fateha'amagihi enayanuga melenogo malipu yafalo ho fililana'mu yabe.

Matiu 26:2 Referans Kwoze

Yoni 18:2

To Yutasiu, Yesuhi fateha'amagihi enelepilina bouba, ai ana foya hepa'mo keheli'ehina. Yesugi pana'alobomagi anaga li nupa hilata nehana foyamo ni'ina keheli'ehina.

Yoni 11:55

To analo'i Yuta bona'magi Pasa nose'na nalana kana ma'asi huto hinogo to bona'i fato fato hepatogati ete Yelusale nehetite enugufa okala hilana yanamofihi mono nose'na nalabe lite bi'ahana.

Matiu 17:22

Yesuhi koko pana'a Galili hepato aku'i e nupa hilago kaga mone ma luto lu epi'ehina: Kokulumaguti limi'ehina Bomofihi fateha'amagi enayanugu le'mete bite bilana kana'a anasi hupamone nohibe.

Yoni 12:1

To yege yupahi nayaha'ni su hoto mone kegi'a moneko'isi leke ho malago Pasa nose'na nalana kana huto meo'ehibe. Yesu ya'ma fili'ehina bo Lasalasi le'mo ho ti'ehina'a hepa'i, Betani yabe, ai buto analo mino'ehina.

Yoni 2:13

Yuta bona'magi Pasa nose'na ya'ma koyapa'i Hu'mau lubuto bi'ehina yupa kumu luto nose'na naluta kana'a leba notago Yesu Yelusale hepato ti'ehina.

Luku 22:15

To Yesu ma luto lu epi'ehina: Nani ma Pasa nose'na lenali hiti moneko kumu yata'a no kohe tolototi laga'ni nobesigo nani alihi nagabu foya li kofilube.

Matiu 27:4

Ya huloto ai lu epi'ehina: Nani foipana ameni'ina bomofihi yato li lepiloto'ni nani'ni foipana li nubufalo molo'ohube. To ai fililina'mu yabe. Ya luto ligo enali li'ahana: Ya lalinati meni'ibe. Ya'ma kai'naka ni'ibe.

Matiu 10:4

To Simoni ai fato gi'a Seloti yabe. To Yutasi fato gi'a Isikelioti, ai Yesuhi mi'i moloto fateha'amagihi epi'ehina yabe.

Yoni 18:32

Ya'ma kaga li'ahananamomu'i koyapa'i Yesu ana yafalo filinamofihi hapa'a pana'alobo'a enelepi'ehina ka ya suhi kaga'ani ni'ibe.