Matiu 25:8 - Ka Lamana'a Monoꞌi Lu Mu Tifiꞌehina Ka Yabe

⁸ To enali enekesa fe melina yafana'magi enekesa ni'igo enekesagati kalasini kaba'a hiti lite e'ahana yafana'magihi ma lite enoloka he'ahana: Lenali kalasini luga'a limilo. Lali libiti asabalube'mu nohibe li'ahana.

Matiu 25:8 Referans Kwoze

Luku 12:35

Lenali katatini li hupa mone hite hepite to gilimitini ilete to logo kokululu lite lele hite minalo.

Hibulu 4:1

To ya'ma minoba minoba hepato bu nehetilabe luto Hu'mau lu leto'ehinamo ni'ibe. Yamofihi kaga'a lu molo'ehinana su mehalube'mu hibe. Ya'mu lenalitogati kegi'a moneubafi moneuba ana kapogu buto tele bi haya kolo lalibe luto lelesati linagi kaba hu bati hilo luto nolune.

Huto Hilina Ka 3:9

Kehelilo. Satahi li gehesa'aloti bona'i luga'a enali Yuta bona'i nohune lite lilata nehana yamagi faga hiti lilete Yuta bona'i lamana'amo menehabe. Nani enali'i ya'ma enimi'i moloto enohoka hugo lenalitoga henetite enalapusa fi lepilune'mu habe. Ya nehite lenali kumu ya'ma komopa'ni lepi'ohuna bona'i nehabe lite kehelilune'mu habe.

Luku 16:24

To, bu nogoto kehe ito ma lu'ehibe: Oho. Abalahao, afo'nigase. Keke'i nolu netobo. Kai Lasalasi ho lifigo ai yaha'a nagamilugu mololoto kenetufa'niloga mololenogo ketipa ilina'mu yabe. Nani mana logo guluya me'mogu nagabu'ni sipi nogigo nohunagihe.

Luku 8:18

Yana'mu lenali kaba hu bati hilo. Lenali kaga keheli bati hilanamo'mu nolube. To bo moneuba kehelise'na lilana Hu'mau ai mone'a hiti babu lito emilina'mu yabe. To bo moneuba kehelise'na melise fa'mene nohilina yalo ai kehelise'na mone ali'ohube luto ekesa noyigilina Hu'mau li he'milina'mu yabe.

Matiu 3:9

Lenali lenipatinigu ma lite mekehelilo: Abalahau ai afotifu yabe, lali mino fu luse bona'i Hu'mau lifisa meilibe. Nani lu nolepube, Hu'mau ai ka'ma nina efahi liloto Abalahahi pana'a lolo hilina bati nohibe.

Aposolo 8:24

Ya ligo Simoniu ka'alo nona'a lu etimi'ehina: Letali Sipi Bomofitoga numuna hu nete'inogo ai nehe'malibe. Ya hi'inogo asaga'na nela'inamofihi huto mehu netalibe.

Matiu 25:1

Yesu kaga luloto bame ka mone lu epi'ehina: Ya'mana yupahi kokulumamofihi kapo nayahi luga luga su hago nehana yafana'magihi suhi hilina'mu yabe. Bo mone liha'a hiti etayanugu lilu'ibe'mu hilina bo alube'mu hilibe. Ya nohinogo enali ya'mana yafana'magi lamu libi'ani li gilete kapoga bite sa sa hite le'moto alune lite yabe.

Matiu 25:7

Ya lago enali ya'mana yafana'i ho tilete lamu libi'ani li kulu tite li loloba hi'ahana.

Matiu 25:9

Ya lago enali enekesagati kalasini'ani hiti lite ana yafana'magi li'ahana: O'e, ma li'ohuta kalasiniuba lali hiti lenali hiti bati mehilina'mu yabe. Lenali situaluguti bite fato'i mina filo.