Matiu 25:5 - Ka Lamana'a Monoꞌi Lu Mu Tifiꞌehina Ka Yabe

⁵ Liha'a hiti etayanugu lilu'ibe'mu ha'ina bo ai mele'isi meago asaga yafana'i geba hite minapa minapa higo enubu loko toko higo enubu'i ke'ahana.

Matiu 25:5 Referans Kwoze

Luku 20:9

To Yesu boana'magihi kilihe'i mone lu epi'ehina: Bo moneuba naga'i foya kofoloto'a, to kaba bona'mo enele'mo ho tito buto, foto hepatoga buto minoba minoba hu'ehina yabe.

Matiu 24:48

To ai bati mehina lili'nalo pana'i nohutomo ai ma luto lilibe: Sipi bo'ni mele'isi i behe huto meabe.

Luku 12:45

To ya hu'ehina ya'mana koko pana'auba ma luto ekesa kehelilibe: Kaba bo'ni minoba minoba nohuto mele'isi menoabe, ya luloto ai luga'a koko pana'a hiti luba hilete boana'i asaga'i amuya nagami'i nelete negi nagi nete minalabe.

Matiu 25:19

Yatama kana'a a'mino yatama huloto sipi bo ai aku'i hepa'aga o'ehina. Ya huloto lili'nalo pana'amagihi efaha'a epi'ehina li nupa huto li eto hilube'mu hu'ehina.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe

Efeso 5:14

Yamofihi mono ka mone ma huto ni'inamo ni'ibe: Lenubu'i ke'ahana bona'i lenali ho tilo. Fili'ahanaguti aho tilo. Kilisitou ya'ma fi besa lo lepalalube'mu hibe.

Romu 13:11

Ya'ma ginaga fi epilata nehabe luto nolunaya henabe luto nolube? Hu'mau Sipi Botiuba lele'malina kana'a lebato'isi ni'inagihe. Koyapa lali yata'a Kilisitohi keheli ule'ale huto komopati emi'ohuta lele'malina kana'a foto'i mino'ehina, to lubuto bilina kana lebato nehetilibe. Yana'mu lenali lenubu kolo kolo hite neminabe. Yatai topa hete ho tilo.

Luku 18:8

Nani lu nolepube, Hu'mau hololu luto enehe'malina'mu yabe. Ya hu'ehina Kokulumaguti limi'ehina Bouba aku'i alina yupahi ma melugu bona'i aitoga enipa molo emite keheli ule'ale hite nehinogo alina ni'ifi, ya mehilanabe?

Matiu 26:43

Ya luto nunumu lu su holoto i behe huto oto koko pana'a enubulo sipi keta higo enubu'i kelete nehago bu enogo'ehina.

Matiu 26:40

Ya luto nunumu luloto koko pana'a nehanaga buto enubu'i kelete nehago bu enogo'ehina. Ya huloto Pitahi lu emi'ehina: Hena'mu nehabe? Ho tite lenubu gili gili hite hupamone kanasilo nani hiti kaba gimi gite meminalana'a hi'ahafihe?

Huto Hilina Ka 2:25

To ana'ina li'ahanamo ya'ma li pili kete lilete minalo. Ya helite nebinogo henetiluna'mu yabe.

Matiu 25:4

To enali enekesa hiti yafana'i enali lamu libi'ani nelite to kilulu koha'anigu kalasini heki bai tete su nohenogo heki bilana kaba'a lite bi'ahana.

Matiu 25:6

To folugu'i sipi kehe mone ilete ma lite li'ahana: Liha'a hite etayanugu lilube'mu nohina bomo ma noabe. Lenali kapoga bite be gete be tigite le'mete alo lite kehe i'ahana.

Luku 1:21

Boana'i enali Sekalaiyau mono nonugu mino'ehinamo'mu geba hiba hiba hite minete'ani enali enegekesa yigiba yigiba hite ma lite li'ahana: Ai ya meyaluga henana huto nohigo mino yatama nohibe li'ahana yabe.