Matiu 25:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Enali enekesa fe melina yafana'magi kalasini mina filune'mu a'nebago ya'mana bo liha'a yanugu lilube'mu hina bo neheti'ehina. Ya higo enali lele hite minana yafana'i ana bo hiti nonuga tilete ana bouba liha'a hiti etayanugu li'igo ana gukete nose'na babu lite nete mine'ahana. Ya nehago ana noto kasihi hekini lo'ehina yabe.

Matiu 25:10 Referans Kwoze

Luku 13:25

Alihi nohi afo'afu ho tiloto kafe li hekini lolenogo lenali fegutoga ho tilete nehite kasito begele begele hiba hiba nehite: Kafe sigi letobo, nelinogo nohi afo'afu ma luto lilina'mu yabe: Lenali hiya'agati neana bona'i nehabe? Nani lenali'i mekeheli lepolo'ohuna bona'i nehabe luto lilina'mu yabe.

1 Pita 1:13

Ya'mu komopatini li hokolo hite lenegekesa kehelilo. Kaba hu bati hite minete Yesu Kilisitou alihi huto hinogo ya'ma lusa gi lepalalina'a yalo'i geba hilete asaga'i keheli ule'ale hite fifa ilete minalo.

Matiu 24:44

Ya hu'ehinagi lenali asaga yupahi lele hite kosaba kosaba hite minalo, hena'mugope? Kokulumaguti limi'ehina Bo aku limilina ya yupahi alibe lite lele hilana kana'alo mealina fato kanalo nehetilina'mu yabe.

Huto Hilina Ka 22:20

Ka'a huto hu'ehina ya'ma lusiga lulata bo ai'a ma luto nolibe: Lama'naka. Lenalitoga ma'asi alube'mu nohube. Lama'naka. Sipi Boti, Yesuo. Kai obo.

Matiu 25:6

To folugu'i sipi kehe mone ilete ma lite li'ahana: Liha'a hite etayanugu lilube'mu nohina bomo ma noabe. Lenali kapoga bite be gete be tigite le'mete alo lite kehe i'ahana.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.

Huto Hilina Ka 1:7

Bu galo. Sopohi gupisalo alina'mu yabe. To bona'i asaga'magi enubutu bu galana'mu yabe. To Yesuhi magolohi fi'ahana bona'i hiti enali bu galana'mu to noto noto bona'i asaga'i enali ai'i bu gelete ai ka'a keheli meemi'ahana'mu yabe lite sipi yibi hafili hilana'mu yabe. Ya'ma ka'a ya huto huto hino. Lama'na ka.

Kolose 1:12

Lenali asaga yupahi Hu'mamofihi gepohi lite bati huse ka lu emite enegelo bilata nehilo. Ai afotifu lele'mo bati hu'ehigo ai'a fana tose kapo'a huto hulenogomo anagu minete ai'a bona'a hiti bati hu'ehinana'a fato fato'na lilune.

Matiu 7:21

Asaga bona'i nani kumu'i: Kibina bo'nio, Kibina bo'nio, lilata nehana enali kokulumamofihi kapo'alo mebilana'mu yabe. To bona'i luga'amagi nani Afo'nifu kokulumalugu nohinamofihi bita hina suhi hilata nehana bona'isi enele'malina'mu yabe.

Matiu 24:42

Ya hu'ehinagi lenali Mesiau alina kana'a mekeheli'ahanagi kaba hu bati hite minalo.

Matiu 24:43

Lenali ya'ma kaga keheli bati hilo. Bo moneuba guminalo bo alina kana'a keheli'ehitita ai noha'alo kaba gimi giloto nohigo guminalo bouba ai noha'agu tiloto fe'noha'a li su mehalina'mu yabe.

Luku 12:35

Lenali katatini li hupa mone hite hepite to gilimitini ilete to logo kokululu lite lele hite minalo.

Huto Hilina Ka 19:7

Ya hu'ehina'mu lali legelo bito komopatigu bati hinogo kehelito gi'a liyafa huto le'mo ho tilune. Hu'mamofihi sipisipi nala'amofihi a'i le'mo emilina kana'a ma'asi heneti'ehibe. Enali ai liha'a lolo hilune'mu le'mo hetofa hi'ahabe.