Matiu 25:1 - Ka Lamana'a Monoꞌi Lu Mu Tifiꞌehina Ka Yabe

¹ Yesu kaga luloto bame ka mone lu epi'ehina: Ya'mana yupahi kokulumamofihi kapo nayahi luga luga su hago nehana yafana'magihi suhi hilina'mu yabe. Bo mone liha'a hiti etayanugu lilu'ibe'mu hilina bo alube'mu hilibe. Ya nohinogo enali ya'mana yafana'magi lamu libi'ani li gilete kapoga bite sa sa hite le'moto alune lite yabe.

Matiu 25:1 Referans Kwoze

Huto Hilina Ka 19:7

Ya hu'ehina'mu lali legelo bito komopatigu bati hinogo kehelito gi'a liyafa huto le'mo ho tilune. Hu'mamofihi sipisipi nala'amofihi a'i le'mo emilina kana'a ma'asi heneti'ehibe. Enali ai liha'a lolo hilune'mu le'mo hetofa hi'ahabe.

Huto Hilina Ka 21:9

To agelo 7 enali lape'anigu baga'a hiti gumi'i hose nasana 7 bai tago li'ahana enalitogati moneuba nanitoga oto ma luto lu nimi'ehina: Obo. Hu'mamofihi sipisipi nala'amofihi le'mo emilana a'i kelepilube.

Huto Hilina Ka 21:2

To lamana hepa'i Yelusale yuhufa ya'ma kokulumagu Hu'mau nohinagati nolimigo bu go'ohuna ya'ma mone'mofitogati a'i le'mo emilune'mu sekele mamu hi etelago kata hilata yupahi mino'ehina ya suhi huto ni'igo bu go'ohuna.

Yoni 3:29

To bo moneuba a'i mone lilagomo ana a'i ai'a liha'a minolata nohibe. To liha'a lina bomofihi lalu'afu ho tito bagaguti lina kaga keheliloto gelo sipi bito liha'a ma'asi li'ehina bomofihi bagaguti kaga kehelilata nohibe. Ya'ma suhi luto yatai nani komopa'nigu sipi negelo nobube.

Matiu 13:24

Yesu bame ka mone fato'i ma luto lu epi'ehina: Bo moneuba nose'na legeya'a bati'a foya'agu tili nohina'a huto Hu'mamofihi kapo'aya ni'ibe.

Huto Hilina Ka 14:4

Enali ya'ma anatoga mebi'ahana komopa'animofihi hapa'a bati huto neheya kola bona'i ya suhi mine'ahana. Enali ya'ma sipisipi nala'a nohinaga mege'i melete bilata nehana enali noto noto bona'i luga'a enalitogati enubuto bi'ehinamagi Hu'mamofihi maha'aga to sipisipi nala'amofihi maha'aga neminana'asigo hapi fito enele'mo mele mele nehabe.

Taitasi 2:13

Ya nohuto Sipi Boti, Hu'mau lubuto bilata bo, to Yesu Kilisitou fana meha'a hiti huto hilina kana'amu geba hulata nohuta, yamofihi sekele mamu'a hiti nasanamo ni'inaya yana'mu fifa ilata nohune.

Matiu 22:2

Kokulumamofihi kapo'aya gihiti bo mone'mofihi hapa'a legita huto ni'ibe. Gihiti bomofihi pana'auba liha'a li'ehigo afo'afu sipi nose'na laita hu'ehina yabe.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.

Matiu 3:2

Komopatini i gelehe hite foipanatini he'mi su halo lu'ehina. Hu'mamofihi kokulumalugu kapo'a hokolo hilina kana'a epi'ehina.

1 Koliti 11:2

Lenali yamofihi lolo huto moloto hu'ohunamo ka keheli su he'ehite nani lu yege ho'ohuna kaga kehelilete yamofihi ka'a mege'i melete neminabe. Yamofi kumu nokehelugo laga'ni nebesilata nohibe.

Matiu 20:1

Kokulumamofihi kapo'aya bo mone'mofihi sipi foya'a ni'ina suhi luto ni'ibe. Ya hu'ehigo ai mone etehi folugu'i heleko limito buto bai nagami lolo hilina nose'na foya'agu kifi'na li etalana pana'i noenele'mabe.

Matiu 13:47

Ana huto kokuluma kapoya faya gutalafa melelete faya'i fato fato'mofihi tite bai netana'a huto ni'ibe.

Matiu 13:38

To foyamoya asaga ma me'i yabe. To bati nose'naya kokuluma kapolo boana'i yabe. To foipa kifi'naya enali Satahi boana'a yabe.

Huto Hilina Ka 4:5

To sekele mamu'a hiti sipi kefa hisaloti ya suhi huto kopisi'na sipi li melebeya nohigo nogo'a kokililika hiti luto mino'ehina. To sekele mamu'a hiti kefa gobisa'aga ya'ma logo libi'i 7 loto mino'ehina ya'ma Hu'mamofihi meha'amofihi amuyalo 7 ni'igo meha'amofihi libi'a mino'ehina.

2 Koliti 11:2

Nani lenali kumu yabe luto Hu'mau siko hulata nohina'mu yabe luto amuya mololata nohube. Lenali bo alobo suhi meko'ehina pa'i bala bulu tigo mino'ehina ana legi hite nehite bo monekomofito bilabe luto nani keya'i molo lepolo'ohuna ya'ma Kilisito nohibe.

Matiu 9:15

Ya lago Yesu ai lu epi'ehina: To bo moneuba ana kata hilube'mu nohigomo lalu'agi hiti ete li nupa hite neminabe, ya nehanamagi enali enipagu sibina hulata nohifihe? Ya hulata menohibe. Ya hu'ehina alihi ya'mana ana kata nohina bo le'mo nehe'mibe. Ya hago ai lalu'agi hiti meminolata nohibe. Ya hilana yupahi analo enali nose'na mo site minalana'mu yabe, luto Yesu lu epi'ehina yabe.

Matiu 5:16

Ya huto ninagi lenali libitini ligite boana'i enali enubulo binogo lenali hetofa hapatini bu gelete to enali ana hite Sipi Bo Hu'matinifu kokuluma hepatoga nohinamofihi enegelo bite gi'a liyafa hilabe.

Aposolo 20:8

To lali li nupa hu'ohuna hasagu ifo nopogu mino'ohuna. Yanagu libi'i babu luto li kulu ti'ahabe.

Matiu 13:31

Yesu fato bame ka mone ma luto lu epi'ehina: Kokulumamofihi kapo'aya nose'na legeya'amofihi suhi luto ni'ibe. To ana nose'na legeya'a masiteti yabe lite lilata nehabe. Ana nose'na legeya'a bo moneuba lito foya'agu nokafabe.

Matiu 25:7

Ya lago enali ya'mana yafana'i ho tilete lamu libi'ani li kulu tite li loloba hi'ahana.

Yoni 18:3

Ya huto kehelito ai sipi mono noto kaba bona'magi to Felosi bona'magi enali gimi bona'i luga'a to mono noto lili'na bona'i luga'a hiti enoho lifigo Yutasiu enele'moto bu'ehina. Enali emita'i lite to kunufa libi'mo hiti lamu hiti ligi besa lelite kapogu melete foyalo bilana'mu yabe.

Huto Hilina Ka 8:10

To agelo napa 3 ai pikuli fu noligo sonofi'i napa'a mone kokulumaguti itefe lito limi'ehina yauba libi'i ya suhi huto gulu gulu'a hiti limito loebe monebe lolo higo monelugu ipi opoho nagami'i hiti to biya nonuhu nagami'i hiti mone'agu folo'ehina.