Matiu 24:6 - Ka Lamana'a Monoꞌi Lu Mu Tifiꞌehina Ka Yabe

⁶ Lenali lebato luba nehanamofihi nogo'a kehelilana'mu yabe. To foto'i nehilana lubamofihi kaga'a kehelilana'mu yabe. Ya hu'ehina lenali koli mehilo. Ya'ma asaga'na huto hilinaya to ana su halina kana'a mana'a huto mehu'ehilibe.

Matiu 24:6 Referans Kwoze

Luku 21:9

To aliha'a sipi luba nehabe lite nelinogomo lenali lenuluhayaguti fiki fiki hinogo koli mehilo. Lubana hena asaga'na yata'a fato fato'i huto hu su holenogo alihi anana me'me huto mehilina'mu.

Yoni 14:1

To Yesu pana'alobo'a ka lu epi'ehina: Komopatinigu koli mehilo. Lenali Hu'mamofitoga keheli ule'ale hite to nani'nitoga ana hite keheli ule'ale hilo.

2 Tesalonika 2:2

Bona'i mone'amagi Sipi Bouba alina kana'a ao'ehibe lite lu lepilenogo mekehelilo. Enali mone'amagi Hu'mamofihi baga'aguti kaga yabe lilana, faga yabe. To mone'amagi ya lite mono ka lu yege hilana, faga yabe. To mone luga'amagi lali ya luto fayanugu koyo'ohuta yabe lilana, faga yabe. To ya'ma kaga lu nelinogomo lenali mele'isi keheli topa hete lenuluhaya metino. To lenegekesa yigise'namofihi ya'ma keheli sibi sibi hite meminalo.

Yoni 14:27

To nani he'mi lepoloto fuluna mone lepinogo'ni ya'ma fuluna'niuba lenalitoga minolata nohibe. Noto noto bona'magi fuluna'a epise'na ya'ma nani melepilube'mu, fato'na lepilube'mu nohube. Lenegekesa yigi yigi mehise to komopatinigu lenelesa linogo koli mehilo.

Matiu 24:14

To Hu'mamofihi kapo'amu luto ka lamana'a ya'ma asaga noto noto kapoga lu yege henogo asaga boana'i kehelilete fato fato hepalugu bai toto ana kana'a su halina'mu yabe.

Luku 21:19

Lenali amuya melete kehelise ule'ale hite mino bati hite nehite aku'i lenali mino bati huse hepatini lilabe.

Luku 22:37

Hena'mube? Mono bukugu kaga ma luto ni'ibe: Enali foipa bo hiti le'mo malalabe. To nani lu nolepube lu'ehina. Ya'mana kagauba nanitoga huto hilina'mu yabe. Asaga fayahi keye'ahana ya'ma kaga monolugu nani kumu'i ninalo yatai mana'a huto hilube'mu nohibe.

Matiu 26:54

Nani ya hilunaya Hu'mau fayanugu go'ehinamofihi mana'a hiya'a huto huto hilinabe? Monolugu ma lite ge'ahana yabe, asaga'na ya'ma suhi luto huto hilina'mu yabe.

Matiu 2:3

Sipi bo Heloti ya'mana kaga keheliloto topa holoto lesa'a noligo ana huto asaga Yelusale boana'i enelesa lu baga i'ehina yabe.

Huto Hilina Ka 6:4

Ya ligo hosi yaga safa'i mone huto huloto o'ehina. Gupisa'alo ya'ma bo mone mino'ehina ya'ma melugu nasana li he'milenogo bona'magi enali ai ho filinogo ai ho filinogo hilabe luto yamofihi amuya'a emi'ehina to luba sipi li huto hilina yamofihi amuya emita'i yatamalo emilago lito mino'ehina.