Matiu 24:49 - Ka Lamana'a Monoꞌi Lu Mu Tifiꞌehina Ka Yabe

⁴⁹ Ya luto luloto ai kaba hu epolo'ehina pana lalu'agi hiti luba nohuto to bia nagami'i nelete negi nagi nete nehana bo hiti nagami'i nalina'mu yabe.

Matiu 24:49 Referans Kwoze

Huto Hilina Ka 17:6

To ana a'i ai Hu'mamofihi pa sose bona'a to Yesutoga i ke'mete mine'ahana'mu yabe luto enoho fili'ahana bona'i enalitogati golahi noba noba higo komopa'a sibi huto ni'igo bu go'ohube. Bu goloto'ni nabaga nelesa ligo topa ho'ohuna.

Huto Hilina Ka 16:6

Kai Hu'mamofihi bona'a to mono ka leli'ali bona'a enali golahi li sibi hi'ahanamofihi li legege huto epilago nenabe. Foipa nasana li'ahanamofihi nona'a ya'ma osahi suhi noepilata bati huto noepine.

Matiu 7:15

Lenali fagalo lu yege hose bomagihi kaba hu bati hilo. Enali sipisipi yagamofihi gufa'a gukete li hekelelete lenalitoga elata nehabe. Ya hi'ahana enali komopa'anigu lopi kala suhi hite nehanago lenali'iya lenehete salu kite nalana'mu yabe.

Huto Hilina Ka 13:7

To Hu'mamofihi bona'a luba epinogo enebe ligilibe luto keheli emigo ya suhi huto mino'ehina. To ya'ma Hu'mau lu laga mehu'ehigo akafu yagakafa noto noto bona'i enugufa fato fato'i to naga'i fato fato'i to ka'ani ana huto fato fato'i to melugu bona'i fato fato'i enali'i ai sipi bo'ani lolo huto minalibe luto kaba huse'na'a emito mino'ehina.

Yute 1:12

Bona'i ya hana'amagihi lenali mono kamofihi gomolu nose'na li gehesalo'i ya'ma yaga nose'namu ha ha lite neheti'ahana enubuya mehu'ehina enali enigi'ani le'mo napa napa hite li gehesamo le'mo sibina nehabe. Enali enubu enekesa meni'igo enali'ani nasana'muko anasi keheli keheli nehabe. Enabagaguti kele yau yau hinaga nelabe. Enali ya'ma ko fato fato hite sopopo ya'ma fa'mene yasiuba li he'migo buto fa'menena lolo hulata nohina ya suhi hite melete nehana yanauba gusunupa'a meni'ina suhi lolo hulata nohibe. To yafa mone nose'na legeya'a holata kanalo legeya'a mehalina'mu yabe. Ya suhi hite enali nehabe. To yafa mone su ti'ahago bi'ehina ya'ma enali hi'ahana suhi hite minese'nalo nehabe.

1 Pita 5:3

Ya nehite sipi bo'ani lolo hila ya hila mehilo. Ya'ma bonatini kaba hi epalana'amagihi lenali legeso hite enali hiti koguna ite minalo. Hu'mamofihi naga'i sipisipi yagamagihi enele'mo kohe tete ai'a kagu kehelite ineme limite minete ya hite minalabe.

Filipai 3:19

Bona'i yanamagi enugufa'ani enibita hulata nohinamofihi hofa to'ehinana yanauba enogo'anifu lolo hulata nohibe. To fato fato'nauba enubuya hilina'mu golemehi kelata nehabe. To ma melugu nasana'muko keheli keheli hulata nehabe. Ya nehana'mu lite logo hepalugu bilune'mu nehabe.

2 Koliti 11:20

To koko yagapanatini lenele'mo malalune'mu nehite, to nose'natini lenebesilite nalune'mu nehite, to fi taga hi lepelete nehite, to enigihiti bo lolo hi lepalalune'mu nehite, to lenogolaga lenabaga i gofa halune'mu nehinogo yana'mu lenali kele'na ka meepekise keheli epilata nehabe.

Romu 16:18

Enali ya hise bona'magi Sipi Boti Kilisitohi lili'na menelibe. Enali enugufa'ani laga enebesise'namofihi mege'i nemalabe. To enali legeso hite laga hina ka mi'mi hi'ahana ka lilenogo lenalitoga mone keheli bati mehilana bona'magi laga hina ka nelabe lite mege'i melelata nehabe. Lenali kaba hu bati hilo.

Matiu 18:28

Ya higo ya'mana bouba heleko limito buto lili'na moneka neli'ina bo mone'mofihi tina huto tola efaha'a nesi'a emi'ehina bo bu goto lubaha'alo lito li geka geka huloto mele'isi tinaka pa sobo lu emi'ehina.

Matiu 24:48

To ai bati mehina lili'nalo pana'i nohutomo ai ma luto lilibe: Sipi bo'ni mele'isi i behe huto meabe.

Matiu 24:50

Ya huto ya'mana lili'nalo pana'uba sipi bo'a geba huto meminalinalo ana kana'asilo sipi bo'a nehetilibe. To ana pana'uba alina kana mekehelise nohilinalo yabe.

Yoni 2:10

Asaga bona'magi bai nagami'i mana'a yata'a guna igo ne su helete alihi bai nagami'i nesi'a sibina hu'ehinana guna igo nelata nehanana ninaya kai bai nagami'i mana'amo mololoto nohatiti yatai lito ane.