Matiu 24:42 - Ka Lamana'a Monoꞌi Lu Mu Tifiꞌehina Ka Yabe

⁴² Ya hu'ehinagi lenali Mesiau alina kana'a mekeheli'ahanagi kaba hu bati hite minalo.

Matiu 24:42 Referans Kwoze

Luku 21:36

Lenali kana'amu kana'amu ute etehi asaga yupahi kaba hu bati hite minalo. Lenali asaga yupahi Hu'mamofitoga nunumu foya liba liba hinogo ai amuya lepilibe. Ya hinogo asaga'na huto hilinamofihi lenali li lenemegesaga nemelete Kokulumaguti limi'ehina Bo ai okabalo ho tilana'mu yabe luto lu'ehina.

1 Tesalonika 5:6

Ya'mu bona'i luga'a enali enubu'i kelata nehana suhi lite meminalo. Komopatini lenegekesa hekini melenogo lenalitini kaba hite gili gili hite minalo.

Matiu 25:13

Ya hu'ehinagi lenali kaba hu bati hilo. Kokulumaguti limi'ehina Bouba aku alina yupahi to kana'a hiti lenali mekeheli'ahabe.

Huto Hilina Ka 16:15

Kehelilo. Nani gumina baukalo bona'magi suhi huto topa nehenogo henetiluna'mu yabe. Ya nehinogo luga'amagi enali enugufa yapako minalanamagi ya'ma enubuya hu laligi komopa'ani kosaba hinogo minete gukete ikolo bi etete kaba hite minalana enali enegelo bilune'mu habe.

1 Koliti 16:13

Lenali kaba hite minelete Hu'mamofihi ka kehelilatanamofi kumu ule'ale hite minalo. Ya nehite koli mehise gimi bomofihi hapa'a lite amuya melete minalo.

Matiu 24:36

Anana huto hilina yupahifi to kana'afi bo moneuba mekeheli'ehibe, kokulumalugu agelouba ana huto mekeheli'ehibe, to nani Hu'mamofihi pana'a nani'ni hiti ana huto mekeheli'ohube. Hu'mau aisigo anasi ana kana'a keheli'ehibe.

Romu 13:11

Ya'ma ginaga fi epilata nehabe luto nolunaya henabe luto nolube? Hu'mau Sipi Botiuba lele'malina kana'a lebato'isi ni'inagihe. Koyapa lali yata'a Kilisitohi keheli ule'ale huto komopati emi'ohuta lele'malina kana'a foto'i mino'ehina, to lubuto bilina kana lebato nehetilibe. Yana'mu lenali lenubu kolo kolo hite neminabe. Yatai topa hete ho tilo.

Matiu 24:44

Ya hu'ehinagi lenali asaga yupahi lele hite kosaba kosaba hite minalo, hena'mugope? Kokulumaguti limi'ehina Bo aku limilina ya yupahi alibe lite lele hilana kana'alo mealina fato kanalo nehetilina'mu yabe.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe

1 Pita 4:7

Ana'ina silaga'na su halina kana'a anasi tupa nohibe. Ya'mu lenali komopatini to lenugufa kaba hite keheli bati hite Hu'mamofitoga kaga luto loka halune lite babahi hite minalo.

Matiu 24:43

Lenali ya'ma kaga keheli bati hilo. Bo moneuba guminalo bo alina kana'a keheli'ehitita ai noha'alo kaba gimi giloto nohigo guminalo bouba ai noha'agu tiloto fe'noha'a li su mehalina'mu yabe.

Matiu 25:10

Enali enekesa fe melina yafana'magi kalasini mina filune'mu a'nebago ya'mana bo liha'a yanugu lilube'mu hina bo neheti'ehina. Ya higo enali lele hite minana yafana'i ana bo hiti nonuga tilete ana bouba liha'a hiti etayanugu li'igo ana gukete nose'na babu lite nete mine'ahana. Ya nehago ana noto kasihi hekini lo'ehina yabe.

Luku 21:34

Ya hu'ehina lenali kaba hu bati hilo. Lenali asaga yupahi amuya nagami'i nelete negi nagi ne lalabe. Lenali lenugufalo'namu'i lenekesa yigiba yigiba mehilo. Ya'mana suhi lenalitoga huto nohinogomo yalo Sipi Bomofihi Kana'a hololu luto analo mele'isi lenalitoga nehetilina'mu yabe.