Matiu 24:40 - Ka Lamana'a Monoꞌi Lu Mu Tifiꞌehina Ka Yabe

⁴⁰ Ya'mana yupahi bo loemale'i foyagu lili'na lite nehi'inogo mone'amofihi le'mo fenene nohinogo mone'a ana foyagu lita i he'minogo minalibe.

Matiu 24:40 Referans Kwoze

2 Pita 2:5

To koyapa'i melugu bona'i foipana hite mine'ahana'a enali'i Hu'mau enubuto mebi'ehina yabe. Mone Noau ai bati bo minoto asaga bona kumu komopatini i gelehe hite eto'ehina hapa'a hite minalo, luto hetofa kaga lu epito mino lito buto mino'ehina bo aimo to lalameha'a sebeni'a mine malago Hu'mau enele'mo bati huto kaba hu epoloto enubuto bi'ehina yabe. Bona'i kegeiyo'a enalitoga nagami'i sipi hoto ti'ehinamo ni'ibe.

1 Koliti 4:7

Ki'afu ligo lenugufa le'momo titi nehabe? Lenalitoga ana'ina bai toto ni'ina yamofihi Hu'mau ya nasana melepi'ehifihe? O'e. Hu'mau ana'ina silaga'i lepi su ho'ehinamo ni'inagihe. Lenali henabe lite nekeheligo Hu'mau ana'ina melepi'ehina lolo nohigo laliti li huto nohune nelite lenugufatini le'momo tilata nehabe.

Matiu 24:39

Ya hina enali ana boana'magi yana'mu huto hilube'mu nohinagi lite enekesa meyigise negi nagi nete nehago sipi nagami'i bililoto enoho fi to su ho'ehina yabe. Kokulumaguti limi'ehina Bo aku alube'mu hilina yupahi ya'mana suhi luto huto hilina'mu yabe.

Matiu 24:41

A'i loemale'i nose'na hesite nehi'inogo mone koto nehila'inaloti mone a'i le'mo fenene nohinogo mone a'i analo ai'asigo minalibe.