Matiu 24:39 - Ka Lamana'a Monoꞌi Lu Mu Tifiꞌehina Ka Yabe

³⁹ Ya hina enali ana boana'magi yana'mu huto hilube'mu nohinagi lite enekesa meyigise negi nagi nete nehago sipi nagami'i bililoto enoho fi to su ho'ehina yabe. Kokulumaguti limi'ehina Bo aku alube'mu hilina yupahi ya'mana suhi luto huto hilina'mu yabe.

Matiu 24:39 Referans Kwoze

Yoni 3:20

To bo moneuba foipa faipana lito minoto fana mehenamofihi ipakafa halina fana tose kapogu mebilina'mu yabe. Hena'mugope foipa faipa suha'a asaga bona enubugu hu yege mefilube'mu yabe.

Matiu 24:37

Kokulumaguti limi'ehina Bo aku alina yupahiya Noaha yupahi huto hu'ehina suhi luto huto hilina'mu yabe.

Aposolo 13:41

Lenali enemegeka lilata bona'i lenali topa hete gili gili hilete fililo. Nani lenali kanalo lili'na mone nolube. To bo moneuba ya'mana kaga lu hokolo hilina lenali ai ka'a keheli meemilana'mu yabe.

2 Pita 3:5

Enali ya lana bona'magi mono ka mone'a nehe'mibe. Ana kaga ma ni'ibe. Hu'mamofihi kaga'auba ya suhi huto hulatana ni'ibe. Ai koyapa'i kaga ligo kokuluma'i huto hu'ehina to me'i ai ana huto koyapa'i nagamiluguti li huto huloto nagami'a hiti mino'ehinamo ni'ibe.

Luku 19:44

Ya hite enali kele'mo tigili tegele sete kele'mo sibina sabana hilete ana hite anagu boana'i nehilana hiti enele'mo sibina sabana hilana'mu yabe. Ya hite efaha noha'a asaga'i tele bi su hete tili tele hite he'milana'mu yabe. Hena'mube? Kai Hu'mamofihi kana'alo oto nubuto bilibe luto keheli meemise minata'mu yabe.

Romu 1:28

Hu'mau ana bona'i yege yege'na enalitogati he'mi'ehigo enali ya'ma Hu'mamofi kumu lusi kaga ni'ina ya'ma mekehelite pelesa ite enegekesa keheli'ahana fato fato'i ya'ma mege'i nemalabe. Bati mehina supo hite neminabe.

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Matiu 24:3

Yesu Oliba kosagu nohigo koko panana'amagi suguna'i ete ma lite loka he'ahana: Hiya yupahi ya'ma asaga'na huto hilina ni'ibe? Hena huse kana yata'a huto hinogo, to yatai ma me'i su nohenogo kai alube'mu nohane luto liluta ni'ibe?

Matiu 24:30

Ya'mana yupahi Kokulumaguti limi'ehina Bomofihi gufa fayaha'a kokulumato huto nohinogo asaga boana'i ma melugu nehanamagi yibi hu baga ilabe. To Kokulumaguti limi'ehina Bo sopohi ifo'alo minoto noenogo bu galabe. To ai sipi amuya'a hiti to sipi fana meha'atu fi besa loto alina'mu yabe.

Matiu 24:40

Ya'mana yupahi bo loemale'i foyagu lili'na lite nehi'inogo mone'amofihi le'mo fenene nohinogo mone'a ana foyagu lita i he'minogo minalibe.