Matiu 24:24 - Ka Lamana'a Monoꞌi Lu Mu Tifiꞌehina Ka Yabe

²⁴ To faga faga Mesiagi to faga faga kaga lu yege hose bo babu lite nehetilete Hu'mau enele'mo eto hu'ehina bona'a enimi'i malalune lite babeyafana lumofihi lumofihi fato fato'i li huto hilana'mu yabe.

Matiu 24:24 Referans Kwoze

Maki 13:22

Akili ka lilabe. To ana kanagu faga faga kaga lu huto huto bomagi hiti to faga mono ka luse bomagi hiti ma lite lilabe: Nani Mesia bo yabe, lite faga lite lilabe. To enali fato fato suhi hite topa hese suhi hite hilete ya'ma Hu'mau enele'mo'ehina bona'magihi keheli sibina hu epalalune lite babeyafa hite enimi'i malalana'mu yabe.

Matiu 24:11

To kaga lu yege holata bo faga faga lite babu lite huto hilete babu boana'i enimi'i molomofa'na hilana'mu yabe.

Matiu 7:15

Lenali fagalo lu yege hose bomagihi kaba hu bati hilo. Enali sipisipi yagamofihi gufa'a gukete li hekelelete lenalitoga elata nehabe. Ya hi'ahana enali komopa'anigu lopi kala suhi hite nehanago lenali'iya lenehete salu kite nalana'mu yabe.

Matiu 24:5

Babu bona'i elete nani nigi'ni nehete ma lite lilana'mu yabe: Nani'ni Mesia nohube. Hu'mau noho lifi'ehina bo lenubuto bilube'mu nohube, ya lilabe. To enali babu boana'i enimi'i malalana'mu yabe.

2 Pita 3:17

Nalalu'nigitabe, lenali yanamofihi keheli su he'ahana yabe. Yana'mu kaga ya'ma lenegekesa lito lipoti lu nolepugi kehelilo. Bona'i foipa'amagi enali ligitaga ka'ani lite komopatinigu liminogo lenele'mo sibina hilenogo limite ke lalagi ya'mu kaba hu bati hite minalo.

Huto Hilina Ka 19:20

To akafu yagakafa ai hiti to faga faga mono ka loli'ali bo ai ya'ma akafu yagakafamofihi bulo topa hose nasana suhi huto li'ehina bo hiti naga'i etimi'ahana yabe. Ya'ma faga faga mono ka loli'ali bo ai koyapa'i akafu yagakafamofihi meha'a enalapusa fi emi'ahana bona'i to akafu yagakafamofihi omiha'a enogobisalo fayahi ge'ahanamagi hiti topa hose foya'atu enali'i komopa'ani le'mo sibi sibi hu'ehina. Yana bo hiti to akafu yagakafa hiti enele'moto logo'a hiti nagami hefunugu kala efahi logo loto nohinagu ya'ma he'mi etatogo mefilise hite limi'aha'ina.

1 Yoni 5:18

Lali ma luto kehelilata nohune. Hu'mamofitogati huto hi'ahanamagi ya'ma foipana lite meminalana'mu yabe. Hu'mamofihi pana'auba yagapana'amagihi li pili koto kaba hu epelelenogo foipa nasanamofihi afo'afu enugufalo mone'a li mekehelilina'mu yabe.

2 Timoti 2:19

To Hu'mau lu molo'ehina kagamofihi lukesa kefatu fi'ehina suhi huto ule'ale nohinogo nasana moneuba le'mo mopo mopo mehilina'mu yabe. To ana lukesalo Hu'mau fayahi ya'ma luto koyo'ehinamo ni'ibe: Sipi Bouba ai yagapana'a bu enogo keheli bati hulata nohibe. To mone'i ya'ma luto koyo'ehinamo ni'ibe: Sipi Bomofihi gi'a helata nehana bona'i enali laga hina mehina nasana mele'isi he'mi su hete foipanamofihi enemegesa hi emilabe.

Yoni 6:39

Ai noho lifigo limi'ohuna bomofihi meha'a ma huto ni'ibe. Ai boana'i nimi'ehinaguti mone kene'i li sibina mehu etalibe kokuluma hiti me'i hiti su halina yupahi aku'i enele'mo saga huto kosaba hiluna'mu yabe.

Yoni 6:37

Asaga bona'i nani Afo'nifu nimilinamagi nanitoga alana'mu yabe. To nanitoga alana bona'i enubunepa ito enele'mo mehe'miluna'mu yabe.

1 Pita 1:5

Ya huloto Hu'mau amuya'aloti haka fi lepele'ehinogo keheli amuya melete nehinogo kana'a su halina yana yupahi lenubuto bilina'mu yabe. Yamofihi li nupa huto huto lenele'mo bati hilinamofihi geba hite minalabe.

Galesia 4:15

Ke, kana'a ya yupahi lenegelo sipi bite mine'ahanamo ya'ma yatai hiyaga nobibe? Lenali hapatini'mu lama'naka luto ma lu lepilugi kehelilo. Lenali lenubu he lilune lite lilenogomo fa'mene he lite nani'i nele'mo bati hite kimilune nelite lite fa'mene nimitita'mu mine'ahana yabe.

Romu 12:18

Lenali asaga yupahi yege yege bona'i hiti fulu hite minalo. Lenali luba ka genaga le'mo huto mehilo.

Aposolo 20:16

Polu Yelusale hepatoga mono fuli yupapogu ya'ma gi'a Petikosu yupahi yabe ana yupapogu nehetilube luto to Efeso hepatoga buloto Esia kapogu minaluna kana le'mo yatama hilibe luto ligo lali Efeso hepa'mo bege ligito buto Miletusi hepatoga neheti'ohune.

Matiu 22:14

Yesu kaga'a lu pa so su hoto lu'ehina: Hu'mau bona'i babu lito kehe ilata nohibe. Ya huloto ai ana bonaluguti mone'isi mone'isi enele'malina'mu yabe, luto Yesu lu epi'ehina yabe.

Matiu 24:22

To Hu'mau ya'mana kana li hupa mone mehititaya asaga boana'i ma melugu meminatita'mu yabe. Ya hu'ehina Hu'ma ai enele'mo eto hu'ehina bona kumu'i ekesu mehalibe. Ya'mu luto ai ya'mana kana'a li hupa mone hilina'mu yabe.

Matiu 24:25

Lenali kehelilo. Ya'ma ka'mu luto kohe toto yata'a kaga alu lepi'ohube.

Matiu 24:31

To ai agelo'a babu lito enoho lifinogo enali ufehi fu linogo sipi nogo nomelenogo analo bona'a enele'mo eto hu'ehina guna ilina'mu yabe. To enali me'i nekisa'a loegi loegi ninalo mine baga ilete anagati bona'i guna ite ete bite me'i mone kegi'a nekisa'aga su halana'mu yabe.

Luku 18:7

Ana suhi huto Hu'mau boana'a enele'mo eto hu'ehina enali asaga utehi etehi aitoga kehe ite lehe'malibe lite lilata nehana meenehe'malina ni'ifihe? Hu'mau tala tele huto enehe'malina ni'ifihe?

Yoni 4:48

Ya higo Yesu lu emi'ehina: Lenali kaga'ni keheli menimise nehite babeyafana fato fato'i li huto hinogo'ni bu gelete nani kumu keheli ule'ale hilata nehabe.

1 Yoni 2:18

Palala'ni pana'nimagitabe, kana'a ya'ma hupamone'i asu halina'mu yabe. Ya'mu lenali Kilisitohi fateha'a huto hilibe lite keheli'ahabe. To yatai fatehe bona'a babu lite huto hilete mine baga i'ahabe. Yana'mu ya'ma kana'a su ho lamana hu'ehibe luto akeheli'ohune.

1 Yoni 2:22

Fagalo bona'i ya'ma enali kumu kehelilune. Bo moneubafi moneuba Yesu ai'a gulu ho letalibe luto le'mo ho lifi'ehina bo Kilisito menohibe luto nelinogomo ai kumu ya'ma fagalo bo yabe luto kehelilune. To enali ya'ma miyagu afotifi hiti to ai pana'a Yesu Kilisitohi enemegesa hi etimilana bona kumu enali Kilisitohi fateha'a yabe.