Matiu 24:21 - Ka Lamana'a Monoꞌi Lu Mu Tifiꞌehina Ka Yabe

²¹ Ya'mana yupahi sipi keta huto minalina'mu yabe. To me'i yuhufa huto hina kana'alofi to koyapa'i ya'mana ketana huto mehu'ehina yabe. To alihi yupa hiti ana ketana huto mehilina'mu yabe.

Matiu 24:21 Referans Kwoze

Luku 21:24

Sipi emitauba enohoto nalina'mu yabe. Fateha'animagi naga'i epite enele'mete bite fato bona folagaha'anigu he'mi epalalana'mu. To fatoga bona'magi enigi'aniuba Yelusale hepa'i ilenogo aku'i fato bona'magi enehete enele'mo nehe'mite enali'ani minalana'mu yabe. Enali Hu'mau molo'ehina kanagu minete to kana su holenogo he'milabe.

1 Tesalonika 2:16

Ya nehite lali fegutoga bona'i ka lamana'a lu yege hoto lu epinogo enubuto bi lalabe lite ya'ma Yuta bona'magi kapo fi hekini lalutagi lite luba ka lu limilata hi'ahana. Enali ya hiba hiba hago enali foipanamofihi gupilo melenogo kolo kolo huto tito minago yatai Hu'mamofihi ita bigo ya nasanamofihi luba'a mone enalitoga neheti'ehina yabe.

Matiu 24:29

Yesu ka mone hiti lu'ehina: Ma melugu sipi ketana huto hilina su ho su nohenogo ana'asilo mele'isi yege fi metepu noinogo to ikahi melenogo asaga sonofi'i kokulumalugu nina melugu limo i su halabe. Kokulumalugu amuyana ninana mopo hu baga ilana'mu yabe.

Maki 13:9

To ya'ma huto nohinogo lenalitini kaba hi bati hilo. Boana'magi alihi lenali'i kefefe hite bite mono nonugu lenele'mete bite ka foya lilete osahi lepilabe. Nani kumu lite lenele'mete bite gamani bona enubulo to enikibina bona enubulo lenele'mete bite ka foya li lepalalabe. To ya hinogo lenali nani kumu ka lamana'a lu epilabe.

Matiu 24:20

Lenali nunumu hite minalo, ya hilete yasi hilina yupahifi to fuli yupahi lenali koli mefelese minalabe.

Huto Hilina Ka 7:14

Ya luto noloka hago nona'a ma luto lu emi'ohuna: Kibina bo'nimaka ya'ma kaika keheli'ahatigi lu menonimine. Ya luto lugo ai lu'ehina: Enali kalana'i mele ketelata nehanamofihi komopa'aguti enabaga hiti e'ahanamo ni'ibe. Enali gukete'ani ya'ma sipisipi nala'amofihi golaha'atu okala hite lite hapa'a li lolo hite li'ahabe.

Huto Hilina Ka 16:18

Ya luto noligo kopisi'na hiti to kokililika hiti to nogo sipi yauba hekili huto mino'ehina. Nohigo imima'i sipi ya'ma noligo bu go'ohuna ya'ma bona'magihi kana'ani metoga huto hina kanaguti imima'i sipi mone ya suhi huto huto higo be megota suhi huto hu'ehina.