Matiu 24:15 - Ka Lamana'a Monoꞌi Lu Mu Tifiꞌehina Ka Yabe

¹⁵ To foipa bati mehina napauba hepa'i li sibina hulata nohina lenali bu galana'mu yabe. To koyapa'i kaga lu huto huto bo Tanieliu anana'mu alu'ehina yabe. Ya'manana ai hepa'i Hu'mamofihi molo emise hetofa hepa'i folagaha'alo ho tito ya'ma sibina huto hilinamo'mu kaga lu'ehina yabe. Bo moneuba ya'mana kaga leka soloto ai ekesa yigi fe lino.

Matiu 24:15 Referans Kwoze

Maki 13:14

To Yesu mone ka hiti ma luto lu epi'ehina: To alihi, sipi mono nonugu foipa suhi napauba hepa'i nohi li sibina gofana hulata nohinamofihi lenali bu galana'mu yabe. To ya'ma koyapa fayapo leka salata bomofita kehelibo. Ya'ma mono nonugu foipa suhi li huto hilenogo, lenali bu gelete yalo lenali Yutia kapogu nemina bona'i me'me hite kosaga tite minalo.

Luku 21:20

To alihi gimi bomagi ete Yelusale hepa'i li bego nehinogo lenali bu gelete ma lite kehelilo. Yelusale hepa'i li sibina huse kana'a yatai huto nohibe lite lilo.

Huto Hilina Ka 1:3

To fayahi ya'ma asaga'i amuya malalina kana'a alo'i tupa hu'ehinamo ni'inaya suguna ka lu huto hilina ya'ma leka sete lu epilanamo lenali hiti ya'ma ni'ibe. To ka fayahi ya'ma kehelilete keheliya ilana lenali nehana Hu'mau lusa gi lepolo'ehina'a lolo hite nehabe.

Luku 19:43

Kai kehelibo. Alihi kana mone huto hilina yupahi fatehakamagi ete kele'mo bego hilete luba hilana ke'muya kifilana'mu yabe. Ya hite asaga kegi'ati kele'mo bego hite kele'mo folaganugu malalana'mu yabe.

Hibulu 2:1

Ya hu'ehina'mu lali laga mehina kapo legeso huto bili lalune luto ka'a keheli'ohutamo ya'ma aku'i le'mo kosaba huto amuya moloto li pili koto kehelito minalune.

Aposolo 6:13

To enali faga faga lu melete ka foya li etalana bona'i luga'a enele'mo mele'ahana. Ya'mana bomagi ma lite li'ahana: Asaga yupahi ya'ma bouba suguna mono nohatimofi hiti to Moseu keya ka li'ehinamofi kumu luto kaga lu sibina hulata nohina yabe.

Huto Hilina Ka 3:22

Sikalafu'i yauba Hu'mamofihi yagapana'a li gehesa hi'ahanamagihi ka'a ya'ma luto lu noepina ya'ma enegekesa hokolo hinogo keheliya ite kehelilabe.

Aposolo 21:28

Oho, Isilaeli bona'ise. Mele'isi ete lehe'malo. Ya'ma bouba asaga hepato bona'i enele'mo keheli sibina hulata bo yabe. Lali Yuta bona'i lemege ka luto to lali mono'i he'mito fato ka lu yege hoto to mana sipi mono nohatimomu'i sibi ka lu epito nohina bo yabe. To ai lu laga hu'ohuta suhi huto mana sipi mono nohatigu fegutoga bona'i enele'moto tito ya'ma nopo le'mo foipa hibe.

Yoni 11:48

Lali mehe'mi etenogo ai amuya moloto nominago yege yege boana'i aitoga kehelite agoya hu emilabe. Enali ya hilenogo Lomu gamani bona'i kehelite lali sipi mono nohati tele bite lali nagati hiti asaga'i enoho fililune'mu habe.

Matiu 24:16

To ya'mana yupahi Yutia melugu nehana lenali koli hite kosaguko tilo.