Matiu 23:4 - Ka Lamana'a Monoꞌi Lu Mu Tifiꞌehina Ka Yabe

⁴ Enali kaga lu keta fi epilete enali'ani mino saga hi'ehite enayatu meenehe'melata nehabe.

Matiu 23:4 Referans Kwoze

Luku 11:46

Ya ligo Yesu ka'alo lu'ehina: Ehe, lenali keya kaga kehelise bo kaba hu bati hilo. Lenali asaga yupahi boana'i keya kagatinimofihi ana'ina li keta fi epelelago enali enigi'nalo keta'mu filite kofite nebago to lenali lenayahi kosa'atu'i mone anana li enehe'melata menehabe.

Aposolo 15:10

Ya hu'ehinaya lenali yatai hena hibe lite Hu'mamofihi fi taga hi etalune'mu nehabe? Lenali Hu'mamofihi mege'i malalune'mu nehana bona'i ketana enemegesagu ligo mefi epalalo. Koyapa'i tatatigi hiti to laliti hiti ana ketana kofito mebiluta'a hu'ohuta yabe.

Galesia 6:13

To enugufaga keya'i laga hi'ahana bona'i enali Moseu keya ka lu'ehina ka mone kegi'a mege'i menemalabe. To lenali ma lite nekehelibe. Lenali hiti enali hiti keya'a hiti nehite molo emilenogo enali'ani enugufa'ani lelite tilune'mu nehabe.

Matiu 23:23

Lenali keya kaga keheli bati huse bo hiti Felosi bo, ehetinio. Lenali loe kaga lilata bo lenabagatini kaba hu bati hilo. Asaga'na yuhufa foyagu ni'inana guna ite nayahi luga luga su hago melelete nayahi su hana'amofihi Hu'mamofihi emilata nehabe. Ya hi'ahana lenali asaga kaga nekisa'aga sipi loto ninamofihi he'milata nehabe. Bona'i enele'mo bati huse kagafi, bona'i hiti koguna ito minose'nafi to komopatini monetoga molosemofihi kaga hapa he'milata nehabe. Nayahi luga luga su hana bati'na ninaloti nesi'asi Hu'mamofihi emise kaga mehe'milutaya ma sipina ninauba li yege halibe.

Huto Hilina Ka 2:24

To Taitaila hepatoga bona'i luga'amagi ana faga ka'a keheli he'milata nehabe. Ya hite, bona'i luga'amagi Satahi hapa hapa'a keheli fotogo huto keheli'ohune lite lilete nehana bona'magihi ka'ani lenali ya'ma kehelise mehabe. Lenali kumu lilugi kehelilo. Nani keta'a hiti nasana luga'a ya'ma lenugupisalo memalalube'mu hube.

Aposolo 15:28

Sikalafu'uba lali hiti moneka nohigo kaga ya'ma luto lu'ohune. Lali ketana fato'i aku'i mone melepilune. Lenali ya'ma suhisigo hilo.

Matiu 23:3

Ya hu'ehinagi enali kaga lu lepilete ya hilo ya hilo nelinogomo lenali enabaga liyafa hite enemege'i melete minalo. Ya hu'ehina mone'naya enali bati mehina suhi li huto nehinogomo lenali ana hapa'amofihi enemege'i memalalo. Enali babu kaga fato fato'i lilata nehanaya ana kaga enali'ani mege'i melelata menehabe.

1 Yoni 5:3

Hu'mamofihi komopati emilata nohutanamofihi hapa'a ma huto ni'ibe. Ai lu molo'ehina ka'asigo kehelito analo mege'i mololototi ya'ma komopati noemuta ni'ibe. Hu'mau lu molo'ehina ka ya'ma keheli emilatanamofihi keta'a hiti meni'ibe.