Matiu 23:35 - Ka Lamana'a Monoꞌi Lu Mu Tifiꞌehina Ka Yabe

³⁵ To enali komopa'ani bati hu'ehina bona'i melugu nehago luga'a bona'magi enoho fili'ahana, enali asaga ya'mana bona'magihi gumi'ani lenali lenugufalo pa salina'mu yabe. Bati bo Ebeli ai fili'ehina, ya hulago analoti oto Sekalaiya ai Belakaiyahi pana'a, ai'i lenali mono nohi folagaha'agu ho fili'ahana. Asaga ya'ma bomagihi gumi'ani lenalito oto pa salina'mu yabe.

Matiu 23:35 Referans Kwoze

Hibulu 11:4

Ebeliu keheli ule'ale huse'na'a hiti amuya moloto ni'inalo Hu'mamofihi kuguhi koyo emi'ehinamofihi Hu'mau bu gago bati hu'ehina. Kenihi mone'na ya'ma bu go sibina hu'ehina. Keheli ule'ale huse'na ya'ma Hu'mau Ebelihi bu gago foipana'a meminago minoto kuguhi koyo emilago li'ehina yamofihi hapa 'a analoti li huto hu'ehina. To keheli ule'ale huto minana'mu luto lali kehelutogo Ebeliu fili'ehinaya sibigopa ka'a lu limilata nohibe luto kehelilune.

Huto Hilina Ka 18:24

To mono ka leli'ali bo to Hu'mamofihi pa sose bona'a to noto noto bona'i yege yege kumu yabe lite Bebiloni bona'magi enoho fili'ahanamofihi golaha'aniuba mina'a ya'ma ana hepa'i napaga mino'ehina ya'mu Hu'mau osahi epilina'mu ya suhi ma suhi huto hu eto'ehina yabe.

Hibulu 12:24

To lu mu tifise'namofihi ka'a kosaba'i li huto huloto folagahatigu nohina bo, Yesutoga abu neheti'ahabe. To koyapa'i Ebelihi golaha'auba ya'ma meluguti Ebeliu ho fili'ehinamofihi foipana'mu pa salibe luto lu'ehina. Ya huto ni'igopa, Yesuhi ai'a golaha'auba fepa kopa i'ehina yanauba lelito tito ana'ina legeya'amu fifa ito kehe ilata nohina yalo bu neheti'ahabe.

Luku 11:51

Koyapa Ebeli fili'ehina kanaloti oto Sekalaiya ai sipi mono nohi gegisa'agu mamufa gilata hitalo fili'ehinalo yanana'mu asaga'i luto yatai boana'i enalitoga minalina'mu yabe. Ma'naka luto lu nolepube, ya'manana'mu luto mina'a sipi yatai boana'magi ma nehana he'milabe luto Yesu lu'ehina yabe.

Aposolo 5:28

Lenali boana'magitoga Yesuhi gi'a helete kaga lu meepilo luto ule'ale ka luto laga hu lepolo'ohuta yabe. Ya hu'ohuto bu galo, lenali kaga'tinimouba asaga Yelusale hepa'mogu bu baga i'ehibe. To lenali lali kaluga lilete Yesuhi enali ho fili'ahana yabe lilune'mu nehabe.