Matiu 23:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Lenali lenubutini pisi lina bomagita bona'i kapo enelepilune lite nehafiye? Ehetinio, lenali kaba hu bati hilo. Lenali ma lite lilata nehabe: Bo moneuba Hu'mamofihi mono noha'a gi holoto lusiga luto ifogati yabe lilinaya fa'mene yabe lilata nehabe. Ya hu'ehina bo moneuba fayaha'a lubo labo lina goli efapo gi holoto ma'naka luto ifogati Hu'mamofihi noha'a yabe lilina. Yalo ai ana lu'ehina ka'a mege'i moloto anana li huto hino.

Matiu 23:16 Referans Kwoze

Matiu 15:14

To lenali he'mi epelenogo enali mineno. Enali enubu pisi lina bona'i nehite enali ana hite enubu'ani pisi lu'ehina bona'i fato'amagihi kapo enelepilune'mu nehabe. Ya hu'ehinaya bu'a pisi lu'ehina bouba fato bo ana huto bu'a pisi lu'ehina bo kapo lepilube'mu hilinaya etali loe sana sana ho kete keli kapogu limila'ibe.

Matiu 23:24

Lenali lenubu pisi lina bo bona'i kapo enelepilune'mu nehafihe? Lenali guya nose'nagu ume'ume'i noagomo hesi nehe'mite to kameli yaga noagomo lenali fa'mene asaga'i mikili helata nehabe.

Matiu 23:17

Lenali lenubu pisi luto negi nagi bo. Henana ai sipina ni'ibe? Ai goli sipina ni'ifi to Hu'mamofihi noha'auba golimofihi le'mo lagaso nohibe?

Yemesi 5:12

Nalalu'nigita, kaga amuya'a hiti ka mone lilugi kehelilo. Kokulumagu lenayahi tite lu laga mehilo. To metoga to nasana'mu fato fato'i lenayahi tite kaga melete lu laga mehilo. Hu'mamofito ka foya li lalabe. Lenali ya'ma o'yo luto lilupi to o'e luto lilupi litemo yamofihi ka'a lama'naka lite lilo.

Matiu 23:26

Felosi bo lenali lenubutini pisi lu'ehina. Yata'a kohi komopa'a luga okala huto li gulu gulu luletogo alihi gupisa'aga hiti ana huto gulu gulu lilibe.

Matiu 23:19

Lenali lenubu pisi lina bo. Henana ai sipina ni'ibe? Ai emise nasana sipina to nasana hitauba emise'namofihi le'mo gi nobibe?

Galesia 5:3

To aku'i lenelepi bati hilugi kehelilo. Mone'amagi enali keya kagamomu'i enugufa laga hilanamagi enali keya kamofihi mege mege'i hite melete foya'a lelite bilana'mu mone kegi'a he'milete sibina hilana'mu yabe.

Matiu 23:13

Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boana'magihi enubulo kokulumamofihi kasiha'a li hekini lelata nehabe. Lenalitini ana kapo'alo metise nehite boana'magi tilune'mu nehana ana kapo lenali li hokolo mehi epelelata nehabe.