Matiu 23:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Lenali keya kaga keheli bati huse bo hiti to Felosi bo, ehetinio, lenali kaba hite minalo. Lenali loe lenabaga hiti bo yabe. Lenali keto ana'magihi nohi fe'noha'ani ka'i legelata bo yabe. To lenali ya'mana foipanatini yatama nunumu lilete ifi telata nehanabe. Lenali osahi lepilina'a hofa talibe.

Matiu 23:14 Referans Kwoze

Matiu 23:13

Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boana'magihi enubulo kokulumamofihi kasiha'a li hekini lelata nehabe. Lenalitini ana kapo'alo metise nehite boana'magi tilune'mu nehana ana kapo lenali li hokolo mehi epelelata nehabe.

Maki 12:40

To enali keto a'magihi fe'noha'ani be nesilite gumina lilata nehana. To asaga bona'magi kehelite lofokehi lilabe lite ya'mu yatama yatama kaga lite nunumu hite mine'ahana yamofihi hapa'ani ya huto ni'ibe. Ni'inaya alihi Hu'mau ka foya lilina kanagu enali'ani'mu fagalo bona'i nehabe lilina, to osahi sipi'a mone hiti epilina'mu yabe.

Luku 20:47

Enali keto ana'magihi fe'noha'ani mone yupaha'a enimi'i melete gumina lilete to mone yupaha'a bona'magi enubulo lali bati bo nohune lite sipi nunumu yatamalo hilata nehabe. Hu'mau foipa bona'i enahalina yupahi ma bona'i lusina huto enoho fala kilina'mu yabe, luto Yesu koko panana'a lu epi'ehina yabe.

Matiu 11:24

To ka foya sipina yupahi Hu'mau Sotomu bona'i babu luto keke'i lu epalalinaya to lenali'i loe'asi keke'i lu lepalalina'mu yabe.

Matiu 23:33

Lenali osifa'i yabe. Lenali foipa osifa'mofihi yagapana'a yabe. Hu'ma ka foyagu lenele'mo malalinauba logo kapogu lenoho lifilina'mu yabe. Hena hite lenali koli felenogo Hu'mamofihi ka foyauba lenugufalo melilina ni'ibe? Lenali koli mehilana'a huto ni'ibe luto Yesu lu'ehina yabe.

Luku 12:48

To lili'nalo bo moneuba sipi bo'amofihi ka'a keheli bati menohina mone foipa hu'ehigo ai'i osahi nesi'asi fulu huto halina'mu yabe. To Hu'mau bona'i mono'mofihi nasana epi'ehinana enali aku'i babu lite analo molo emite epilabe. To boana'i enali babu ana'ina bo mone'mofihi yanugu melelata nehana alihi enali ananalo aku'i babu lito molo emito ana bouba epilata nohibe.

2 Timoti 3:6

Bona'i ya hana'amagihi enalitogati luga'a enali legeso hite sibi sibi humofa'na nehite ana'magihi nonugu tite fato fato kaga lu epite enegekesa lite enali'ani enemege'i malalabe lite enele'melata hilabe. Ana ana'i enali komopa'anigu lapa mebi'ahana foipana kofilata to enugufa'aniuba laga besise nasana fato fato'i ya'ma keta'a hiti lite minete nehana.

Taitasi 1:10

To bona'i luga'amagi yege yege'i ka lamana'a lu epi'ohuta'mu enipakafa nehabe. Fa'mene kamu'i li muyalo malo hite enimi'i mololata bona'i nehabe. Yuta bona'i enalitogati Kilisitohi ka lamana'a keheli'ahana bona'i mone'amagi aku i behe hite fato kaga enelepite minete lite ya hilata nehabe.

Yemesi 3:1

Nalalu'nigitabe. Lenalitogati bona'i babu lite ka lu enelepise bo lolo mehino. Hena'mube? Lali tisa foyalo bo ya'ma alihi kanagu lalitoga ka foya hofa talina'mu yabe, luto a'nokehelune.

2 Pita 2:3

Ya nehinogo faga mono ka lilata bo enali yogo fe'no kumu topa hete komopa'aniguti kaga huto nehinogo lenimi'i melete ana'ina'ani kita hite lilana'mu yabe. Foya ya hite lilanamagi nona'a epilube luto Hu'mau ka foyagu enele'mo malalina bouba yatama kana enegeba huto minana buto su mehabe. To Hu'mau osahi epilina bouba bu'i mekose nohuto'a bu enogoloto nohibe.

2 Pita 2:14

Enubutu gili gili hite moko lise a'mofihi bu gelata nehana foipana ni'ina'mu enipa nehite laga sipi kehelilata hi'ahana ni'ibe. Enali komopa'ani lapa mebi'ahana bona'i enimi'mi ka lite kelefugu halana suhi hite enele'mete bilabe. To enali yogo fe'nohi ya nasana'mu amuya melete lolo hite bite komopa'ani nasana lolo hu'ehina. Enali'ya logo hepalugu naga'i lolo hilana'mu yabe.