Matiu 22:43 - Ka Lamana'a Monoꞌi Lu Mu Tifiꞌehina Ka Yabe

⁴³ Ya luto enoloka hago enali ma lite lu emi'ahana: Tebitihi pana'amo nohibe. Ya lago Yesu lu epi'ehina: Ya lanagi to hena higo Sikalafu'uba Tebitihi le'mo kugu higo ho tito Sipi Bo'nibe lu'ehinabe? Yalo Tebitiu ma lu'ehina:

Matiu 22:43 Referans Kwoze

Huto Hilina Ka 4:2

Ya luto lulago ana'asi Sikalafu'uba limito nele'mo saga tigo kokulumagu sekele mamu'a hiti kefa hisalo mino'ehinamofihi gupisalo bo moneuba nohigo bu go'ohuna.

Huto Hilina Ka 1:10

Minoto kibina bomofihi kana'alo fuligu ya'ma Sikalafu'uba ai'a komopa'nimofihi bu'a li heligo nemegesagati nogo sipi pikuli ya suhi huto huto hu'ehina.

2 Pita 1:21

Ya'ma lu huto hu'ehina ka mone'ya bona'magita kehelite komopa'anitu li bati hilete mone meli'ahabe. Bona'magi enali Hu'mamofihi hetofa Sikalafu'uba enele'mo babahi higo Hu'mamofitogati kaga'a kehelite minete lu yege he'ahanamo ni'ibe.

Hibulu 3:7

Ya hu'ehina'mu Sikalafu'uba lu'ehina ka'a ya'ma mono bukugu ma lite keye'ahana: Yatai ya'ma lenali Hu'mamofihi nogo'a keheli'ehilanamo,

Aposolo 1:16

Nogonamu tamu'nimagita lenali kehelilo. Koyapa'i monolugu fayahi mone nina Sikalafu'uba Tebitihi bagalo lu huto hu'ehina yabe. Ai Yutasi kumu lu'ehina, ya'ma bouba ai Yesuhi halana bona'magihi kapo'ani li hokolo hilina'mu yabe. Ya lite fayahi ge'ahana ana suhi ahu'ehibe.

Maki 12:36

Koyapa'a Tebitiu Hetofa Sikalafu'uba lu emi'ehina ka ya'ma luto ma lu'ehina: Sipi Bo Hu'mau nani Sipi Bo'ni ma lu emi'ehina: Kai lamaga'nilo minotoka, to nani fatehakamagihi enoho su holenogo melugu minelenogo kai kigigusakatu enemegesa'anilo kifita ilane.

1 Koliti 12:3

Yanamofihi megesa'aga linogo'ni kehelilagi keheli'ehilo. Bo mone'mofihi Hu'mamofihi Sikalafu'uba le'mo babahi higo Yesuhi le'mo gumi'i molo emito melilube'mu hibe. To Sikalafu'uba babahi mehinogo Yesu ya'ma Sipi Bo'ni nohibe luto melilina'mu yabe.