Matiu 22:39 - Ka Lamana'a Monoꞌi Lu Mu Tifiꞌehina Ka Yabe

³⁹ To ana megesalo keya kaya yata'a keya kamofihi suhi huto mone'ago huto nesi'a ni'ibe. Ai ma luto ni'ibe: Kaika kugufaka le'mo bati huto kaba nohata suhi luto kigi bonaka koyone hu epito enele'mo bati hu epolobo.

Matiu 22:39 Referans Kwoze

Maki 12:31

Kai bonaka kumu kiginaga fito minobo. Kaika kugufaka kaba nohata suhi huto bonakamofihi kaba hu etobo. Ya'ma keya ka loemoya, asaga kamofihi be ligi'ehina yabe.

Galesia 5:14

Moseu keya ka lu'ehina ka'a li nupa huto hapa'a mone'mofihi ma huto ni'ibe: Kaika'mu kehelilata nohata ya suhi huto kalalukagi kumu kehelito komopaka epilane.

Matiu 19:19

Kai itokafinogo afokafinogo agoya hu etimibo. To kaika kele'mo bati hilana suhi luto kalalukagihi enele'mo bati hubo.

Romu 15:2

To bona'i keheliya meina'a keta epesilina nasana yamofihi lenali enele'mo bati hilo. Bonatinimagihi lenogotinifihi suhi huto nohigo Kilisitotoga enele'mo hetofa hite amuya melenogo ya bati huto huto hilina'mu yabe.

Yemesi 2:8

To ya'mu mono bukugu Hu'mau keya ka lu'ehina kaguti amuya ka mone ma luto ni'ibe: Kaika'mu kehelilata nohata ya suhi huto kalalukagi kumu kehelito kaba hu epoloto komopaka epibo, luto lu'ehinamo ni'ibe. Lenali ana keya ka lu'ehina ka'a keheliya ilana ya'ma ana'ina lamana'a lilana ni'inaya.

Galesia 6:10

Ya nohuto kana'ati ni'igo bona'i asaga'magihi lemehi epito hetofa hu epalalune. Ya nehinogoti mono kagu ligibo enali'ani lalalutigihi nasana ya'ma lelito tito enele'mo bati hilune.

Matiu 22:38

Ya'ma keya kaya ai kohe toto sipi keya ka ni'ibe.

Romu 13:8

Bona'i moneuba lepi'ehinamofihi nona'a pa sete mele'isi li emilo. To mone hiti ni'igo lenali boana'i ginaga fi emise'namu ya'ma minoba minoba hite nehanaya su mehalina'mu yabe. Lenali ya ginaga fi emilatanamofihi ya'ma Hu'mamofihi keya ka mege'i melelata nehana'mu yabe.