Matiu 22:21 - Ka Lamana'a Monoꞌi Lu Mu Tifiꞌehina Ka Yabe

²¹ Sipi Lomu kaba bomofihina'a ni'ibe, li'ahana. Ya nelago Yesu ma luto lu epi'ehina: Ya hinogomo Lomu kaba bomofihi nasana'a emilo, to Hu'mamofihi nana'aya Hu'mamofitogago emilo, luto Yesu lu epi'ehina yabe.

Matiu 22:21 Referans Kwoze

Romu 13:7

To ya hite gamani bona'magihi mina'a efahi asaga'i epilo. Ya'ma takisi efahatini fato fato'i epilo. Ya hite takisi bona'i kaga'ani kehelite to enalitoga agoya hu epite limi lalabe lite mele'isi ana'ina ya'ma bona'i asaga'i epilo.

Aposolo 4:19

Ya lite lago Pitaugo Yoniugo ma lite kanisole bomagihi ka'anilo lu epi'aha'ina: Lenalitini loko hite hiya kagauba Hu'mamofihi bulo bati hilifi lite kehelilo. Lenali kagamofihi mege'i malalu'ifi to Hu'mamofihi mege'i malalu'ifi lenaligo kehelilo lite li'aha'ina yabe.

Matiu 22:37

Ya luto Yesuhi loka hago Yesu ma luto lu epi'ehina: Sipi bo ai Hu'makafu yabe. Kai asaga kugufaka hiti kemehaka hiti kekesa yigise'naka hiti to asaga komopaka Hu'mamofihi aisigo emi su hobo.

Luku 23:2

Enali hapi fite ka foya li etelete ma lite li'ahana: Lali ya'ma bo bu gota ai nagatimagihi hapa'ani le'mo fato fato suhi hu'ehibe. Ai takisi sipi Lomu bo ya'ma Sisatoga mehe'milo luto laga hu letalina kaga nolina bo yabe. To ai Mesia'ita gihiti bo nohube luto lulata nohina.

Aposolo 5:29

Ya lite lago Pitau yagi to luga'a aposolo bomagi kaga'anilo nona'a lu epi'ahana: Lali bona'magi kaga'anilo enemege'i memalaluta, Hu'mamofihi ai kaga'asigo mege'i malaluta'mu yabe.

Matiu 4:10

Ya ligo Yesu Satahi ho lifito ma lu'ehina: Satao, abufa hubo. Mono kauba: Hu'mamofihi Sipi Bo aisigo gi'a li saga huto fokehi hoto agoya hu emibo, luto lulata nohibe.

Matiu 22:20

Ya hago ai li enelepiloto enoloka ho'ehina: Ma okaba'a hiti gi'a hiti kiyi'afihina ni'ibe?

Maki 12:17

Ya ligo, enali: Sipi kaba bo Sisahi meha'a yabe, lite lago ai ma lu epi'ehina: Ya. Ana, Sisahi nasana'a Sisahi emilo. To ana huto Hu'mamofihi nasana'a Hu'mamofihi emilo. Ya ligo, enali hetofa ka nona'a epi'ehinamofi hiti to ai kumu topa hete ka melise fa'mene mine'ahana yabe.

Luku 20:25

Ya luto enoloka hago enali sipi bo Sisahi gi'a hiti okaba'a hiti ni'ibe li'ahana. Ya lago Yesu lu epi'ehina: Sisahi nana'a Sisahi emilo to Hu'mamofihi nana'a ya Hu'mamofitogago emilo.