Matiu 22:11 - Ka Lamana'a Monoꞌi Lu Mu Tifiꞌehina Ka Yabe

¹¹ Enali boana'i tite mine su helago gihiti bouba bu enagalube'mu nonuga ti'ehina. Ya huloto ai bo mone gukete mana'a li mehekolo'ehina bo nohina bu go'ehina.

Matiu 22:11 Referans Kwoze

Huto Hilina Ka 19:8

Enali liha'a koholi gukete gulu gulu ho'ehina Hu'mau emi'ehina'a i kololo bi ete'ahana. Ya'ma kata i kololo bi'ehina'a Hu'mamofihi bona'amagi foya lamana'a li'ahanamo ni'ibe.

Efeso 4:24

To kosaba lenemehi li hepite minalo. Hu'mamofihi eto'ehina mehi to fotogo hu'ehina mehi tegi hite kosaba lenemehi hepite lolo hilo.

2 Koliti 5:3

Lali lemehati yupa'i mino lalibe luto yamofihi kokulumagu kosaba lugufati nohi suhi huto lito li hepinogoti bati hilibe.

Romu 13:14

Lenali lenugufaluga laga besise'namofihi foipa nasanamu'i lenegekesa yigi yigi mehite ananamofihi le'mo laba hilo. Sipi Boti, Yesu Kilisitohi helegu'i lite ya suhi hite neminana bona'i lenali li so kite aitoga minete ule'ale hite minalo.

Huto Hilina Ka 16:15

Kehelilo. Nani gumina baukalo bona'magi suhi huto topa nehenogo henetiluna'mu yabe. Ya nehinogo luga'amagi enali enugufa yapako minalanamagi ya'ma enubuya hu laligi komopa'ani kosaba hinogo minete gukete ikolo bi etete kaba hite minalana enali enegelo bilune'mu habe.

Huto Hilina Ka 3:18

Ya hu'ehina'mu lenegekesa lito lu lepilugi kehelilo. Lenali nanitogati goli efahi hetofana'a mina'a tito ni'ina ya'ma mina filenogo bati fe'nohatini hiti bona'i minalanagihe. To koholi guketemofihi hapa'a mina filete lite i kolo bite lenugufa yapako minago buya ligo fi etalabe. To lenubutinimofihi mesebe'amofihi mina filete lenubuluga ya'ma felenogo aku gili gili hilibe.

Huto Hilina Ka 2:23

To ana a'mofihi yagapana'a enoho fili su halibe. Ya suhi hulenogo'ni noto noto bo mono ka keheli'ahanamagi nani bati'namofihi komopa'ani enegekesamofihi hapa'a bu go fe lu'ahata bo nohane lite keheliya ilabe. Nani bona'i asaga'i hite melete hilanamofihi afo'anifita pa soto nona'a eto eto huto epilube'mu nohube luto nolube.

Galesia 3:27

Mono nagami'i felelete Kilisitotoga molo emi'ahana silaga'i Kilisitohi legegeto suhi molo emite hepi'ahana.

1 Koliti 4:5

Ya hu'ehina'mu lenali bona'magihi hapa'ani'mu lilata nehana amuya memalalo. Sipi Bouba ai'a i behe huto oto suguna'i fenene huto ni'ina nasana yamofihi le'mo hutotoga malalube'mu hibe. To bona'magita legekesa kehelilata nohutaga hiti ya'ma li huto hu su halube'mu hibe. Ya huloto Hu'mau ai'a bona'magihi hapa'ani moneko moneko'isi bu galina guna moloto enele'mo hetofa hu epololota liyafa hilube'mu hibe.

Romu 3:22

Bona'i moneuba komopa'a Yesu Kilisitotoga molo emigo Hu'mau ana bomo le'mo bati hilibe. Ai asaga bona'i komopa'ani Kilisitotoga mele emi'ahanamagihi enele'mo bati hilibe. Hu'mamofihi bulo silaga bona'i moneko babeyafa hite nehago bu golata nohibe.

Matiu 13:30

Kifi'na hiti nose'na hiti anagu he'minogo sibi sibi hite tilenogo alihi nose'na li nupa hiluta yupahi li gehe lilune. To nani ma luto lu lepiluna'mu yabe. Lili'nalo pana'ni, lenali foipa kifi'na li nupa hite sa gilo. Lali logogu galuta'mu yabe. To nose'na'aya li nupa hite noha'niluga malalo luto lu lepiluna'mu yabe.

Matiu 3:12

To ai emuha'a yanuga li'ehibe. To kifi foyaguti lilina yabe. To ai nose'na yufagaha'a li nomalana nonugu li nupa huto li malalina'mu yabe. To yana huto sibina'a li nupa huto mesobose loba logogu galina'mu yabe.

Matiu 22:10

Ya luto lu epigo ana koko pana'amagi kapolo kapolo bite mine baga i'ehite bona'i mana'afi to sibina hana'afi kapolo huto hana kehe i nupa nupa hite enele'mete ago enali ana kata nehana nohi li bai tete mine'ahana.