Matiu 21:43 - Ka Lamana'a Monoꞌi Lu Mu Tifiꞌehina Ka Yabe

⁴³ Ya'mu luto nani lu nolepube. Hu'mau ai kapo'a lenalitogati lenebe silito fato boana'magi enali bati lili'na ma melugu lite nehilanamagihi epilina'mu yabe.

Matiu 21:43 Referans Kwoze

Matiu 21:41

Ya luto Yesu enoloka hago enali ma lite lu emi'ahana: Ai oto ya'ma foipa bona'i enele'mo asaga'i sibina hu epoloto enahalina'mu yabe. Ya huloto ai ana foya'a lito fato bo epinogo kaba nehite kana nose'na'a huto nohinogo enali lite bite foya afo'afihi ai'a luga'a emilana'mu yabe.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.

Yoni 3:3

Ya ligo Yesu lu'ehina: Nani ma'naka luto lu nokumube. Kene'i moneuba Hu'mamofihi Kapo'a bu megalina ai ito'afu aku'i keto kosaba hu tegi hilinaubago yabe.

Yoni 3:5

Ya luto ligo Yesu ka'alo nona'a lu'ehina: Nani ma'naka lusiga luto lu nokumube. Kene'i moneuba Hu'mamofihi Kapo'a bu galube linogomo ai nagami'uba hiti to Sikalafu'uba hiti yata'a keto kosaba hilinaubago yabe.

1 Koliti 13:2

To nani Hu'mamofihi ka lu huto huto hulata bo lolo huto huto'ni Hu'mamofihi suguna ka'a yamofihi keheli su ho'ohuto'ni to Hu'mamofihi kamofihi nekisa mokisa'a hiti keheli su hoto nohuto'ni to nani linogo kosa mone li sibi hu he'milibe luto keheli ule'ale hu'ohuto'ni niginaga mefise fa'mene minotita fa'menena lolo hutine.

Matiu 12:28

Ai Hu'mamofihi Sikalafu'auba amuya nimigo foipa fele hesi nohe'mi nogo'nimo lenali Hu'mamofihi kapo'a lalitoga a'o leba notanagi lite kehelilabe, luto Yesu lu epi'ehina yabe.

Matiu 21:42

Ya lite lago Yesu ma luto lu epi'ehina: Mono bukugu kaga mone ma luto nina lenali mekeheli'ahafihe? Lili'nalo bomagi ya'ma efahi bati mehina efahi yabe lite li he'mi'ahana. Yatai ya'mana efahuba nohi nekisa'a li tokolo hu'ehibe. Sipi Bouba ai ya'mana suhi li huto higo lali bu gota laga gofa hibe.

Matiu 21:44

To mone bouba ai ana efapo gupisalo heleko malalina ai ibe laga hube huto gufa'a nesi nesi hilina'mu yabe. To ya'mana efahuba bo mone'mofihi limo ito i lilika ilinaya ana bo gufa'a mumusopa lolo hilina'mu yabe.