Matiu 21:29 - Ka Lamana'a Monoꞌi Lu Mu Tifiꞌehina Ka Yabe

²⁹ To pana'auba baga li gofa hoto lu'ehina: Nani ya lili'na meliluna'mu yabe. Ya luto luloto alihi minoto komopa'a i gelehe huloto foyaga bu'ehina yabe.

Matiu 21:29 Referans Kwoze

1 Koliti 6:11

To lenali luga'a koyapa'i ya suhi hite mine'ahanamo ninaya yatai foipanatini ahe'mi lepoloto Hu'mamofihi bona'i minalabe luto komopatini okala huto le'mo babahi higo nehabe. Sipi Boti Yesu Kilisitohi gi'alo yabe luto to Hu'mamofihi Sikalafu'amofihi gi'amu luto lenele'mo bati higo nehabe.

Aposolo 26:20

Nani yata'a hapi fito Tamasiko hepa'alugu bona'i lu epiloto'ni alihi Yelusale bona'i lu epiloto to asaga Yutia kegi'a hepa'i ni'inalo ni'inalo lu epimofa'na huloto'ni to ana huto fegutoga bona'i hiti ma luto lu yege ho epi'ohuna: Lenali foipa fato fato suhi nehanamofihi he'mi su helete Hu'mamofitoga i behe hite bilete hetofa sunogo hite bona'i enubulo minalanauba mana'a huto hilibe.

Matiu 21:31

Yalo lenali lu nimilo luto Yesu lu'ehina: Ya'ma loe pana'male'i kuyu'afu afo'atitifu lu etimina kagalo mege'i molo'ehibe? Ya ligo enali Yesuhi lu emi'ahana: Yege pana'auba yabe lite, ya lago Yesu ma luto lu epi'ehina: Nani lusiga luto lu nolepube, takisi efahi nelina bo hiti to mokolo ana'i hiti enali kohe tete Hu'mamofihi kapo'agu nebabe.

Matiu 21:28

Ya hu'ehina ma kaga lenali hena hibe lite lenekesa nekehelibe? Bo mone'mofihi pana'a loemo mine'aha'ina yabe. Mone yupahi pana'a yege'a nohinaga buloto ma luto kaga lu emi'ehina: Pana'ni, kai yatai foyagu buto lili'na libo.

Matiu 21:30

Afo'atitifu mone pana'amofihi ana luto lu emi'ehina yabe. Ya higo mone pana'auba afo'atitifihi lu emi'ehina: Afo'niga nani foyagu buto lili'na liluna'mu yabe. Ya luto faga o'yo luloto ana foya'anigu lili'na buto meli'ehina yabe.