Matiu 21:28 - Ka Lamana'a Monoꞌi Lu Mu Tifiꞌehina Ka Yabe

²⁸ Ya hu'ehina ma kaga lenali hena hibe lite lenekesa nekehelibe? Bo mone'mofihi pana'a loemo mine'aha'ina yabe. Mone yupahi pana'a yege'a nohinaga buloto ma luto kaga lu emi'ehina: Pana'ni, kai yatai foyagu buto lili'na libo.

Matiu 21:28 Referans Kwoze

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

1 Koliti 10:15

Lenali komopatini lenegekesa hiti'namo nehabe. Yamofihi kaga'a ya'ma lilugi lenalitini kehelite bu go fe lilo.

Matiu 20:1

Kokulumamofihi kapo'aya bo mone'mofihi sipi foya'a ni'ina suhi luto ni'ibe. Ya hu'ehigo ai mone etehi folugu'i heleko limito buto bai nagami lolo hilina nose'na foya'agu kifi'na li etalana pana'i noenele'mabe.

Maki 13:34

Ma huto anana huto hilibe. Bo moneuba hepato he'mito fatoga bilube'mu nohuto'a lili'na bona'magihi lili'na'ani'mu lu epito to bihu kasito minoto kaba nohina bomofihi lu emilina: Kaba huto minobo, luto bufa hilibe. Ya suhi lenali ana hite kaba hite minalo.

Luku 13:4

To ma 18 bona'i Siloami hepalugu yatama nohuba i tele bito limito enoho gehesa koyapa'i hu'ehinamoba lenali nekehelina asaga Yelusale boana'i enehete foipa bona'i nehafihe?

Matiu 21:33

Ma bame ka mone'ya aku'i kehelilo, luto Yesu lu epi'ehina. Bo mone'mofihi sipi foya ni'igo ana foya'agu bai naga'i hekololoto gegisa hu bego hu'ehina. Ya huloto yatama nohi ana foyagu giloto bai nagami'a letise'na mone lolo hu'ehina yabe. Yalo ai ana foya bisinisi malalube'mu hina bomofihi yanuga bi'ehina. Ya huto emiloto ai ana foya afo'afu bonohi foto kapoga bu'ehina yabe.

Matiu 17:25

Ya ligo Pitau: O'yo, lu'ehina. To Pitau nonuga notigo Yesu aitogati yata'a ma luto loka ho'ehina: Simoni, kai hena hibe luto nokeheline? Ma melugu enikibina bolo kiyi'afu takisi holata nohibe? Mana hepato boana'magifi to bonoho bona'magibe?

Matiu 22:17

Ya hu'ehinagi kai ma kaga lu limibo. Kai henabe luto kekesa noyigine? Lomu gamani bomofito takisi he'milata nohutaba lali keya kagati li gofa nohopi to bati huto nohe'mune? Ya, kagatilo nona'a lu limibo.

Matiu 21:27

Ya lite lilete enali Yesuhi ma lite lu emi'ahana: Lali mekeheli'ohune. Ya lago Yesu lu epi'ehina: Hiya'agati lito o'ohuna suhi nani li huto nohufi nani ana huto hapa'a lu melepilube.

Matiu 21:29

To pana'auba baga li gofa hoto lu'ehina: Nani ya lili'na meliluna'mu yabe. Ya luto luloto alihi minoto komopa'a i gelehe huloto foyaga bu'ehina yabe.