Matiu 21:26 - Ka Lamana'a Monoꞌi Lu Mu Tifiꞌehina Ka Yabe

²⁶ To ma melugu bona'magihina yabe liluta ya asaga boana kumu'i lelesa nolibe. Hena'mugope enali asaga'i Yoni kumu kaga lu yege nohana bo nohibe lite komopa'ani neeminamo yabe li'ahana.

Matiu 21:26 Referans Kwoze

Yoni 5:35

Libi logouba asaga bona'i enele'mo besa nolana'a huto Yoniu nohigo ana fana meha'agu lenali hupamone kana'asilo komopatinigu laga higo lenegelo bite mine'ahabe.

Matiu 21:46

Ya hilete enali yato lilune'mu nehana. To Yesu kumu lu yege hose bo nohifi boana'magi lite nehite Felosi bomagi enali kumu koli hi'ahana yabe.

Matiu 14:5

Ya noligo Helotiu Yonihi lubaha'a laga hilube'mu hinaya asaga boana'magi enubulo koli huto he'mi eto'ehina yabe. Hena'mugope enali Yoniu lu yege hose bo nohibe lite lilata nehana'mu yabe.

Matiu 11:9

Ya hu'ehina lenali hena hibe lite bi'ahanabe? Lenali henana bu galune lite bi'ahanabe? To lu huto huto bo bu galune lite bi'ahanafihe? O'yo nani lu nolepube. Ai lusi mono bo yabe. To ai asaga mono bona'i luga'a enohoto nohibe.

Aposolo 5:26

Ya lite lago enali mono noto gimi bo yagi to luga'a gimi bo'a hiti enele'mo mege toloto buto aposolo bona'i sipi mono nonugati enele'mete e'ahana. Enali gimi bomagi aposolo bona'i osahi meepise enele'mete e'ahana yabe. Hena'mugope aposolo bomagi kaga'anilo kehelite nehana bona'magi enitaluga logo binogo efa kosatu'i legene ite loho fililafi lite enelesa'ani ligo yabe.

Yoni 9:22

Ito'afugo afo'afugo Yuta bona'i kumu koli nehite ya'ma kaga lu epi'aha'igo hena'mube? Koyapa'i Yuta bona'magi kaga lu laga hi'ahana: Bona'i moneuba Yesu kumu Hu'mamofihi le'mo ho ti'ehina pana'a nohibe luto linogomo yana'mu enali sipi mono nonuguti he'mi etete aku metilibe lite lu laga hi'ahana yabe.

Luku 22:2

To enali mono bona'i to kaga keheli bati hi'ahana bona'i enali boana'magihi koli hilete ma lite li'ahana: Lali hena hulototi Yesuhi ho fala kilune?

Luku 20:19

Ana yupahi keya ka babafi bo to sipi mono noto kaba enali kumu luto Yesu bame ka ligo enali keheli sibina hilete Yesuhi ana hepato naga'i emilune'mu hana babu boana'magi mege'i nemalago koli he'ahana yabe.

Luku 20:6

To lali fa'mene bona'magi hina yabe luto liluta asaga bona'i ma nehanamagi efa kosatu'i he'milago hehe hite lahalana'mu yabe. Hena'mugope enali Yoniu lu yege hose bo yabe lite amuya melete keheli neemina yabe lite li'ahana.

Maki 12:12

Yesu ya ligo, enali sipi mono bomagi kehelite: Lali'i ka lemekito ana fono ka lu'ehina yabe lite kehelite Yesuhi naga'i emilube'mu hi'ahana aku'i asaga bona'magi kumu koli hite he'mite bifa hi'ahabe.

Maki 11:32

To lali: Melugu bona'magi ho lifi'ahabe luto lilupiye? to asaga boana'magi Yoni kumu hetofa bo, lu huto huto bo yabe, lite nekeheligo ya'mu enali koli nehite Yesutoga bite ma lu emi'ahana: Lali mekeheli'ohune.

Matiu 21:11

To babu boana'i Yesu hiti kapo melete banamagi ma lite li'ahana: Ai kaga lu yege hose bomo Yesu Nasalete hepato Galili kegi'a bomo nohibe.

Matiu 21:25

Ya yagi Yoni bona'i nagami'i folo epolo'ehina, ya'mana nagami'i folo epolose'na hiya'agati o'ehibe? Hu'mamofitogati o'ehifi to ma melugu bomagitogati o'ehibe? Ya luto enoloka hago enali ya'mana kaga kehelilete musi musi ka lite ma lite li'ahana: Hu'mamofitogati'na yabe liluta ai ma luto lilina'mu yabe. Hena hu'ehigo lenali Yonihi komopatinigu li menemalabe lilina'mu yabe.

Matiu 21:27

Ya lite lilete enali Yesuhi ma lite lu emi'ahana: Lali mekeheli'ohune. Ya lago Yesu lu epi'ehina: Hiya'agati lito o'ohuna suhi nani li huto nohufi nani ana huto hapa'a lu melepilube.