Matiu 21:20 - Ka Lamana'a Monoꞌi Lu Mu Tifiꞌehina Ka Yabe

²⁰ Ya higo Yesuhi koko pana'amagi topa helete ma lite li'ahana: Hena suhi luto nemuya yafa mele'isi logo nobibe?

Matiu 21:20 Referans Kwoze

Matiu 8:10

Ya luto ana bouba Yesuhi lu emilago Yesu ana ka'a keheliloto ekesa yigi babu lu emi'ehina. Ya huloto boana'i mege'i lefeli'ali hana kaga ma luto lu epi'ehina: Kehelilo. Nani lu nolepube. Isilaeli bo moneuba ya'ma bouba hina'a huto komopa'a li nimi'ehina bu megolata nohube.

Matiu 21:19

Ya higo ai nemuya yafa kapo beleha'alo nina bu goloto buto legeya'a ni'ifi luto bu gana haya'ago ni'igo ana yafamofihi ma luto lu eto'ehina: Kai alihi yupahi legeyaka huto mehilibe. Ya ligo ana'asilo mele'isi ana nemuya yafa haya'a hiti to lufusa'a hiti logo bi su ho'ehina yabe.

Matiu 21:21

Ya lago Yesu ka'anilo nona'a ma luto lu epi'ehina: Lenali lenekesu meheno. Lenali komopatini nanitoga melelete lenali loe lae komopatini meminalina nani ma nemuya yafamofihi hu'ohuna suhi hilana'mu yabe. To lenali ya'ma sunogo mehilana'mu yabe. Ma kosamofihi ma lite lu emilana'mu yabe. Ma kosa ho tito hege nagamilugu limibo lilana lenabaga liyafa huto limilina'mu yabe.