Matiu 21:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Ya higo ai nemuya yafa kapo beleha'alo nina bu goloto buto legeya'a ni'ifi luto bu gana haya'ago ni'igo ana yafamofihi ma luto lu eto'ehina: Kai alihi yupahi legeyaka huto mehilibe. Ya ligo ana'asilo mele'isi ana nemuya yafa haya'a hiti to lufusa'a hiti logo bi su ho'ehina yabe.

Matiu 21:19 Referans Kwoze

Taitasi 1:16

Enali Hu'mamofihi hapa'a keheli'ohune lite enabagaguti lilata nehanamo ni'inaya ya hite minete lite nehananauba ya'ma luto lu huto hulata nohina legeya'a meni'ibe. Enali tuguma bona'i nehana sipi foipanamofihi ka'ani mekehelise nehana enali foya lamana'a lilana'a meni'ibe.

Yoni 15:6

Luga'amagi enali nanitoga ete i mehepilana ya'ma i pigilata nohina ya suhi hite gulu gulu bilenogo laga hu he'milube'mu hibe. Haya'a ya'ma i pigilago logogu laga hite keyelata nehabe. Nanitoga ete i mehepina bona'i enalitoga ana suhi huto hilinamo ni'ibe.

Luku 3:9

To sopolo'i huto'i ni'inagi yafa lufusa'a laga huse'na ni'ibe. Ya hu'ehinago asaga yafa legeya'a mehalina hetigito logoguko falalina'mu yabe.

Yoni 15:2

Nanitogati yafa moneuba ya'ma legeya'a mehalina'a yamofihi laga hu he'milina'mu yabe. To yafa mone'mofihi legeya'a helenogo legeya'a silaga'i halibe luto noluto sibina hina'a laga hu he'mi he'mi nohibe.

Maki 11:14

Bu goto ma lu'ehina: Abo. Ma yafa yale. Bona'magi alihi kanagu legeya'aka ligite menalabe. To ya noligo pana'alobo'amagi ka'a keheli'ahana yabe.

Huto Hilina Ka 22:11

Ya hu'ehina'mu foipa nasana lilata nehana'a enali lilete nehilabe. To komopa'ani kolo tenogo enali minalune lite mine lite bite minalabe. To mono kagu fotogo hite minalune lite minalana'amagi ya'ma fotogo hite minete mine lite bite minalabe. To biye bona'i enali minalune lite ya'ma biye'i mine lite bite minalabe.

Yute 1:12

Bona'i ya hana'amagihi lenali mono kamofihi gomolu nose'na li gehesalo'i ya'ma yaga nose'namu ha ha lite neheti'ahana enubuya mehu'ehina enali enigi'ani le'mo napa napa hite li gehesamo le'mo sibina nehabe. Enali enubu enekesa meni'igo enali'ani nasana'muko anasi keheli keheli nehabe. Enabagaguti kele yau yau hinaga nelabe. Enali ya'ma ko fato fato hite sopopo ya'ma fa'mene yasiuba li he'migo buto fa'menena lolo hulata nohina ya suhi hite melete nehana yanauba gusunupa'a meni'ina suhi lolo hulata nohibe. To yafa mone nose'na legeya'a holata kanalo legeya'a mehalina'mu yabe. Ya suhi hite enali nehabe. To yafa mone su ti'ahago bi'ehina ya'ma enali hi'ahana suhi hite minese'nalo nehabe.

2 Timoti 3:5

Ya hilete ya'ma mono'mofihi bu ganamofihi gufa'a lolo hilinaya aku'i lusi mono'mofihi amuya'a hiti ya'ma hapa'amofihi mekehelise analo enemegesa hi emilabe. Ya hilete minenogo enalitogati he'milotoka kemegesa hu epibo.

Matiu 21:20

Ya higo Yesuhi koko pana'amagi topa helete ma lite li'ahana: Hena suhi luto nemuya yafa mele'isi logo nobibe?

Maki 11:20

To etehi folugu'i neete sifehi yafa haya'a hiti lufusa'a hiti asaga'i lo hosopa ito lo i pigi'ehigo bu ge'ahabe.