Matiu 21:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Ya luto lu epiloto ai enalitogati he'miloto Betani hepatoga buto ana folugu'i mino'ehina yabe.

Matiu 21:17 Referans Kwoze

Yoni 11:18

Betani hepa'i Yelusale hepato lebato'i ni'inalo ya'mu Yuta boana'i babu lite Mata hiti Malia hiti bu galune lite ete soso hi etete eniginaga fi etimi'ahana.

Yoni 11:1

Hepato mone Betani analugu bo mone Lasalasi yabe gi'a nelana ai minoto besi'ehina. Ya'ma Betani hepa'i loe ate Malia to Mata mine'aha'ina.

Luku 24:50

Ya huto lu epiloto ai enele'mo bululu huto hepaluguti fegutoga limilete Betani enele'moto bu'ehina yabe. Ya huloto ai yahi li saga huloto lusa gi epolo'ehina yabe.

Maki 11:11

Ya lite nelago, Yesu Yelusale hepatoga nehetito tito buto sipi mono nonugu ti'ehibe. Tito ana nonugu ni'inanamofihi asaga'i bu go beloloto to sinihi gigo, ai i behe huto anaguti he'mito buto pana'alobo'a 12 magi hiti bite Betani hepatoga nehetite mine'ahabe.

Maki 11:19

To utehi noligo, Yesugi ana olopa hepatogati he'mite bite kifi hepaluga ke'ahabe.

Matiu 16:4

Lenali bati mehana boana moko fako lite neminana boana'magita nani kumu'i topa hose'na li huto hu lubulo molobo nelabe. Ya nelana nani topa hose'na mone li huto hu lenubulo memalaluna'mu yabe. Lenali koyapa bo Yona huto hu'ehinanamofihi topa hose'na'ago anasi bu galana'mu yabe. Ya luto luloto Yesu he'mi epololoto bu fa hu'ehina yabe.

Luku 19:29

Ya huloto ai Betefasi hepa'i hiti Betani hepa'i hiti nina o leba toloto Oliba kosaloti loe koko pana'a etoho lifigo etali kohe tete bifa hi'aha'ina.

Luku 10:38

Yesu koko panana'a hiti kapo melete bilete hepa'i moneto nehetigo a'i mone gi'a, Mata yabe, luto nohina a'uba Yesuhi noha'aluga le'moto bu'ehina yabe.

Maki 11:1

To enali Yelusale hepa'i lebato bite Oliba kosalo tite, hepa'i mone gi'a Betani, bege ligite bite mone hepatoga gi'a Betefasi, anaga neheti'ahabe.

Maki 3:7

To Yesu pana'alobomagi hiti anagati he'mite bite Galili nagami beletoga bi fa hi'ahago, yege yege boana'magi Galili kegi'ati Yutia kegi'ati Yelusale hepatogati, Itumia kapoguti, Yotani nagami muya beletogati ete to Taiya kegi'ati, Saitoni kegi'ati, babu lite yege yege bona'magi Yesu hu'ehinana kehelilete aitoga e'ahabe.

Matiu 26:6

Betani hepato Simoniu ai koyapa'i lepolosi hepuhi lo'ehina bomofihi nonuga Yesu mino'ehina.

Maki 14:3

To Yesu Betani hepatoga buto mone bomofihi noha'agu tito mino'ehibe. Ya'ma koyapa hehe bomofihi, gi'a Simoni, ai'a noha'agu mino'ehibe. To anaga minoto nose'na nonago, a'i moneuba efaha kopo kofito aitoga o'ehina. Ana konugu mesebe nagami'i hetofana ni'igo, gi'a Nati yabe, sipi efapoloti mina fi'ehina'a ya'ma kofito oto li hokolo huto Yesuhi lataha'alo i heki eto'ehina yabe.