Matiu 21:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ya huto Yesu hetofana li huto nohina'mu lite yagapana'i mono nonugu nehanamagi sipi kehe ilete: Tebitihi Pana'a yege filo li'ahana, ya nelago mono bo hiti to keya kamofihi tisa bo hiti enali bu gelete enitaluga logo bi'ehina yabe.

Matiu 21:15 Referans Kwoze

Matiu 21:9

To enali kohe toga bana bona'i hiti to alihi bana bona'i hiti ma lite kehe napa i'ahana: Tebitihi Pana'a yege filo. Sipi Bomofihi gi'alo ma noana bomofihi Hu'mau lusana emilibe. Hu'mamofihi lenegelo bi emilo. Ya lite babu boana'magi kehe napa ite li'ahana yabe.

Yoni 12:19

Ya nehago Felosi bomagi ai lu emigo ai lu emigo ma lite li'ahana: Bu gete kehelilo. Lali ai be meligilata nohune. Bu galo, noto noto boana'i silaga'magi mege'i melelata nehabe.

Yoni 11:57

To sipi mono nohi kaba bomagi hiti to Felosi bona'magi hiti boana'i lu epi'ahana: Yesu nominalina hepa'a kehelilete ete lu limilo, lite ya'ma kaga mele'ahana. Hena'mube? Naga'i emilune, lite li'ahana yabe.

Yoni 7:42

Mono bukugu lite ge'ahana: Tebiti mino'ehina hepalugu Betelehe yagi Tebitihi ai'a naga'aguti Mesiau huto hilibe luto ni'ina yabe.

Yoni 4:1

Ya'mana kana'alo Felosi bomagi Yesu Yonihi be ligito babu boana'i nagami'i folo epoloto aposolo naga'a enele'mo lolo nohibe lana kaga keheli'ahana yabe.

Luku 22:66

Alihi yege tilago enali Isilaeli kaba bona'i to monoto sipi kaba bona'i to keya ka enelepise bona'i enali li gehesa hilete enali Yesuhi le'mete kanisole bo noha'anigu bilete ma lite li'ahana:

Luku 22:2

To enali mono bona'i to kaga keheli bati hi'ahana bona'i enali boana'magihi koli hilete ma lite li'ahana: Lali hena hulototi Yesuhi ho fala kilune?

Luku 20:1

Mone yupahi Yesu boana'i sipi mono nonugu enele'mo nupa huloto kaga lu epito to ka lamana'a lu epito nohigo enali sipi mono noto kaba hi'ahana bo yagi enali keya kaga keheli bati hulata bo yagi to asaga boana'magi kaba bo'ani yagi enali asaga'i Yesutoga ete ma lite loka he'ahana:

Maki 11:18

To ya higo, olopa mono bomagi to mono ka negana enali ya hu'ehina'mu'i kehelite yalo Yesuhi he fililana kapo'a sa sa hi'ahabe. To silaga bona'magi Yesuhi kaga'amu fokehi lite nehago yamofihi enali ai kumu koli hite ho mefilise fa'mene mine'ahana.

Matiu 27:20

Enali sipi mono bo hiti to Yuta olopa bomagi hiti asaga boana'i sipi ka lite enekesa bilete li'ahana: Kai Balabasihi nohe'mi etoto Yesuhi limitogo ho fililune lite lilo li'ahana.

Matiu 27:1

Go'i noligo asaga sipi mono bo hiti to Isilaeli bo olopa'a hiti li nupa hilete Yesuhi ho fililana kaga lu keheli fa keheli hi'ahana.

Matiu 26:59

Enali sipi mono babafi bona'i hiti to asaga kanisole bomagi bo moneuba Yesuhi faga lu etenogo ho fililana bo'mu sa sa hi'ahana.

Matiu 26:3

Ya'ma kana'alo sipi mono nohi kaba bona'i hiti to Isilaeli enikibina bona'i hiti sipi mono bo Kaiyafasihi nonugu li nupa hite mine'ahana.

Matiu 22:42

Lenali Mesia kumu hena hibe lite nekehelibe? Ai kiyi'afihi pana'a nohibe?

Matiu 21:23

Yesu mono nonuga aku'i oto tito minoto boana'i kaga enelepito mino'ehina. Ya nohigo enali mono bo hiti to Isilaeli hepato enikibina bo hiti enali Yesutoga elete ma lite loka he'ahana: Hiya'agati lito o'ahata suhi li huto nohane? Ya'mana suhi kuyu'afu kelepi'ehina suhi nohane?

Matiu 9:27

Yesu ana hepa'i he'miloto kapo moloto nobigo etubu pisi lu'ehina bo loemale'i mege'i lifite nebite ma lite li'aha'ina: Tatatifu Tebitihi pana'amaka kai le'ali'i kiginaga fi le'emibo lite kehe i'aha'ina yabe.

Matiu 20:24

Enali nayahi luga luga su hago aposolo naga'magi ya'mana kaga kehelilete ana kogunale ka etemeki'ahana yabe.