Matiu 20:8 - Ka Lamana'a Monoꞌi Lu Mu Tifiꞌehina Ka Yabe

⁸ To sinihi gise'na nohigo ana foya afo'afu kaba bo'a kehe iloto ma luto lu emi'ehina: Kai lili'na nelina bona'i kehe ito mina epibo. Alihi e'ahana lili'nalo panatogati hapi fito mina epimo buto yata'a kohe tete ete lili'na li'ahanamagihi alihi epitogo su heno.

Matiu 20:8 Referans Kwoze

1 Pita 4:10

Lenali Hu'mamofihi ka'amofihi kehelite lenele'mo bati huse'namofihi amuya fato fato'mofihi guna molo lepolo'ehinamo yanatu foya'a lelite nebinogo bona'i luga'amagihi enele'mo bati hilana yanauba Hu'mamofitogati amuya'a lepilenogo yanatu'i ana hi epalalabe.

Hibulu 9:28

Kilisitou ai ana huto kana moneko'i silaga bona'magihi foipana'ani ai gupisalo tigo he'mu kito Hu'mamofihi kuguhi koyo emiloto fili'ehina. Aku'i foipa nasana li su halibe luto ni'igopa aimofihi geba hite fifa ite minelata nehana bona'i Kilisitou enubuto bise foya aliha'a li su haluna'mu yabe luto aku'i kokulumaluguti limito huto hilube'mu hibe.

Taitasi 1:7

To Hu'mamofihi foya'alo kaba huto nominalina bo ai foipana'a meminenogo minalibe. Ya huloto minoto hipu hapu meilina to mele'isi enipakafa mehalina, to bai nagami'i babu luto menalina, luba mehilina, to yogo fe'no kumu ekesa yigi yigi huto muhi muhi bilina bo meminalibe.

2 Koliti 5:10

Yamofi kumu ya'ma luto ma keheli'ohune. Mega lugufa hiti nohuto ana'ina lito moloto hu'ohuta bati huto ni'ifi to sibina huto ni'ibe yamofihi mone kegi'a ai eto eto huto kaga loko huto pa sose'na limilibe luto minoto lali asagatoga Kilisitohi ka foya kefa hisalo ho tiloto kululu tito nehetilune.

Luku 12:42

To Yesu lu'ehina: Kaba bo mone ekesagu fe lina bo nohuto ai lili'na'a kaba hu bati huto minoto to sipi bo'auba kaba bo le'mo ho tiloto lili'nalo bo'a nose'na li keheli epilifi?

Luku 10:7

Lenali ana nonugu legese hite minete nose'na lepi'ahanana nete minalo. Hena'mugope lili'nalo bouba lili'nalo mina'a lilube'mu hilina yabe. To lenali nohi fato fatolugu tila limila mehilo.

Luku 8:3

To Yoana, Susahi liha'a ai Helotihi noha'alo kaba bomofihi liha'a yagi to Susana to babu ana'i luga'a hiti enali Yesu hiti to koko panana'amagihi fe'noha'anilo enehe'ma enehe'ma hite bi'ahana yabe.

Matiu 25:31

Nani Kokulumaguti limi'ohuna Bo nohuto gihiti bo suhi huto oto agelomagi hiti aku aluta yupahi sipi kefa hisalo nani minaluna'mu yabe.

Matiu 25:19

Yatama kana'a a'mino yatama huloto sipi bo ai aku'i hepa'aga o'ehina. Ya huloto lili'nalo pana'amagihi efaha'a epi'ehina li nupa huto li eto hilube'mu hu'ehina.

Matiu 20:7

Enali ka'alo nona'a lu emi'ahana: Bo moneuba lili'na melimigo fa'mene nohune li'ahana. Ya lago ai lu epi'ehina: Lenali hiti ka'muya abite bai naga'i foya'nigu lili'na lilo.

Matiu 20:9

To enali yege limi falalube'mu nohigo ete lili'na li'ahana bona'i kohe tete ete mone kina mone kina li'ahana.