Matiu 20:26 - Ka Lamana'a Monoꞌi Lu Mu Tifiꞌehina Ka Yabe

²⁶ Ya'ma suhi lenali folagahatinigu memineno. Mone bo lenali folagahatiniguti sipi bo minalube lutomo ai lenali kele kele botini minoto lenehe'meno.

Matiu 20:26 Referans Kwoze

Maki 10:43

To lenali ana suhi hite meminalabe. Lenalitoga sipi botini lolo hilina bouba ai lili'na bonatini nohilibe.

Maki 10:45

To Kokulumaguti limi'ehina Bo ai henabe luto melugu noabe? Ai asaga bona'magi kele kele'i hi eminogo kibina bo'ani minalube luto o'ehifiye? O'e. Ai kele kele'i hu epalalube luto to enehe'malube luto o'ehina yabe. To bona'magi ai'i he fililenogo gufa'aloti'i silaga bona'i foipanaguti mina fito pa so epalalube luto o'ehina yabe. Yesu ya luto lu epi'ehina yabe.

Maki 9:35

Ya hago Yesu komopa'atu keheliloto meto minoto'a pana'alobo'a 12 magi kehe igo ago ma lu epi'ehina: Kibina bouba fa'menena'mu kibina bo lolo nohifihe? O'e. Ai yata'a fa'mene bo nohuto asaga bona'magihi koko hu epoloto alihi kibina bo lolo nohibe.

1 Pita 5:3

Ya nehite sipi bo'ani lolo hila ya hila mehilo. Ya'ma bonatini kaba hi epalana'amagihi lenali legeso hite enali hiti koguna ite minalo. Hu'mamofihi naga'i sipisipi yagamagihi enele'mo kohe tete ai'a kagu kehelite ineme limite minete ya hite minalabe.

Luku 18:14

Yesu lu'ehina: Nani lu nolepube, takisi lilata bo ai Hu'mamofihi ipa'a emi'ehinamofihi ai ya'ma lamana bo yabe luto ligo noha'aga nobibe. Ya hu'ehina to ya'ma fato bo ai bati mehu'ehibe. To bo moneuba gi'a li saga hilube'mu lilina Hu'mau le'mo melugu nomoloto ni'ibe. To bo moneuba agoya huse to gi'a laba hilina Hu'mau fokehi hoto gi'a li saga hilina'mu yabe, luto Yesu lu'ehina yabe.

1 Pita 4:11

Luga'a enali mono ka lu huto hilanamagi Hu'mamofihi keheli lamana hilete lu epilabe. To luga'a enali bona'i enele'mo bati hilanamagihi ya'ma Hu'mau amuya epilenogo yanatu'i lolo hi epalalabe. Lenali ya suhi ma suhi lolo nehinogo Hu'mamofihi fayahuba bati huto minalibe lite kehelite ya hilabe. Yesu Kilisito ai kumu yabe luto fayaha'auba hu lamana hilibe. Yamofihi sekele mamu'a hiti fana mehena amuya'a hiti aitoga minalina'mu ya'ma minomo tito buto mino bai toto minalibe. Ma'naka.

Matiu 25:44

Ya luto lu epinogo enali ka'alo nona'a ma lite lu emilabe: Sipi Botimaka. Hiya yupahi kau'na kohola, lubahaka hosopa ila, ka bo minola, kugufa yapako minola, kebesila, naga nonugu minola hu'ahanogo lali kele'mo bati mehu'ohune?

Hibulu 1:14

Ya luto agelomagihi lu meepi'ehinamo ni'ibe. Agelo silaga'i enali meha'a hiti Hu'mamofihi kele kele'a nehanaya bona'i enubuto bilatanamagihi enehe'mete enele'mo bati hilabe luto Hu'mau enoho nolifibe.

Filemoni 1:13

Nani ya'ma ka lamana'amu yabe luto naga nonugu nohugo ai kailotiu minoto nehe'malibe luto nipagu nohinaya aku'i kaitoga ho nolufube.

2 Timoti 1:18

To Efeso hepatoga minona kanagu hiti mehi nimito foya lito mino'ehina yamofihi fa'menena meni'ibe. Yamofihi lama'naka keheli'ahane. Ya hu neto'ehina'mu Sipi Bouba kehelinogo ya'ma napa yupahi Sipi Bouba huto hilina kana'agu keke'i luse'na emilibe luto nolube.

2 Koliti 1:24

To lenali keheliya ise'natinimofihi amuya melete nehabe, ya'ma keheli'ohutamo ni'inaya lenalitoga buto nani kibina bo lolo hilube luto mone melu'ohube. Fa'mene lenalitoga komopatinigu enegelo bilibe luto lenele'mo bati huto foya'a lilata nohube.

Aposolo 13:5

Ya hilete etali Salamisi hepato henetite Yuta bona'magi li nupa hite minete kaga lu keheli fa keheli nehana nonugu tite Hu'mamofihi ka lamana'a lu epi'aha'ina. To etali Yoni Makiu ana lili'na etehe'moto lilibe lite le'mete bi'aha'ina yabe.

Yoni 18:36

Ya ligo Yesu lu emi'ehina: Nani kapogu kaba huse'na'ni ma melugu meni'ibe. Nani kapogu kaba huse'na'ni ma melugu ni'itita pana'alobo'nimagi nani kumu naga i lalibe lite Yuta bona'i luba hilete naga'i menimitita'mu yabe. O'e, nani kaba huse'na ma melugu huto mehu'ehina yabe.

Matiu 27:55

Babu ana'i Galili hepa'i he'milete Yesuhi he'malune lite mege'i lifite e'ahana anaga mine'ahana. Ya'mana ana'magi foto'i ho tilete nehite gili gili hi'ahana yabe.

Huto Hilina Ka 17:6

To ana a'i ai Hu'mamofihi pa sose bona'a to Yesutoga i ke'mete mine'ahana'mu yabe luto enoho fili'ahana bona'i enalitogati golahi noba noba higo komopa'a sibi huto ni'igo bu go'ohube. Bu goloto'ni nabaga nelesa ligo topa ho'ohuna.

Matiu 20:27

Mone bouba lenali'i kaba hu lepalalube lilinauba ai lenali koko kako panatini mineno.

Luku 22:26

Ya hu'ehinagi lenali ya'mana suhi mehilo. To bo mone folagahatiniguti nani sipi'a nohube luloto ai yagapana'i lagaso'a legita huto mineno, to kaba bo ai koko pana tegi huto mineno.