Matiu 20:22 - Ka Lamana'a Monoꞌi Lu Mu Tifiꞌehina Ka Yabe

²² Ya ligo Yesu ana a'i lu emi'ehina: Noloka nohata kaga hapa'a hena kaga nolufi luto keheli bati mehuse nolane. Nanitoga huto hilina ekesa nagami'i naluna legitana ni'inagi letaliba ana konugutiba nala'ina ni'ifihe? Ya ligo etali li'aha'ina: Le'ali nalu'ina'mu yabe.

Matiu 20:22 Referans Kwoze

Luku 22:42

Afo'niga kehelitomo ya'ma nagabu gise'na nanitoga ni'ina li he'mi netobo. Kaikamo kekesa kehelito bati huto yabe lutomo anana li he'mi netobo. To kai o'e litogomo nani ana nagabu gise foya li kofilube.

Matiu 26:42

Ya luloto Yesu i behe huto buto loe yupahi ma luto hu'ehina: Afo'niga. Ma kohi nanitogati i nebe silito mebinogomo nani nalube, ya hinogo'ni kaika kipagu ni'ilina suhi pa salibe.

Yoni 18:11

Laga higo Yesu Pitahi lu emi'ehina: He'mibo. Emitaka noha'agu aku li molobo. Menokehelipi? Ya'ma Afo'nifu nagabu gi netalina ekesa nagami'i suhi huto nalube'mu nohube.

Maki 14:36

To ma luto nunumu huto lu'ehina: Oho. Apaobe. Afo'nigase. Kai amuyaka hiti bo nohane. Kai asaga'na hilatana mone keta mehu keto'ehina ni'ibe. To ya'ma hu netalube'mu nohataya he'milapiye? Kai keheli'ahane. Ya'ma nani foya'ni meni'ibe. Kaika so ki'ahatanamofihi hu netobo. Afo'nigabe.

Matiu 26:39

Ya luto luloto ai nesi'asi i gofa hoto buloto okabagati melugu koloto ma luto nunumu hu'ehina: Oho, Afo'niga, kai kekesa yigilata bati hinogomo, ma ekesa nagami'i nalunamofihi kohi li he'mi netobo. Ya hu'ehina kai nani'i nemege'i moloto ka'ni liyafa mehuto, kaika kemehuba hilina suhi hubo.

Romu 8:26

Ya'ma geba hulata komopati amuya memolose nohunogo Hu'mamofihi Sikalafu'uba lalitoga oto lehe'malina'mu yabe. Lali aitoga henana loka haluta mekeheli'ohunogo ai keheli'ehina. Ya'ma Sikalafu'uba lali kumu Hu'mamofitoga baga'atu kaga meluse komopa'a amuya'auba buka tilata nohibe.

Yemesi 4:3

To ana'ina mone kumu Hu'mamofitoga buka ti'ahanaya kehelise'natini fulu luto minatita lenalitini lenugufatiniuba kehelina'asigo aitoga lilana ya'ma Hu'mau ana'ina melepilube'mu nohibe.

Luku 12:50

Nani mone fi taga huse'na nanitoga huto hilibe, luto nekesa noyugube, lu'ehina. Ya nohuna yatai ana fi taga huse'na su mehenogo sipi keta nonebesibe, luto Yesu lu'ehina yabe.

Matiu 26:56

Ya hu'ehinaya kaga lu huto huto bomagi mono kagu fayahi ge'ahanalo pa salina'mu yabe. Ya luto ligo Yesuhi koko pana'a tili tele hite koli fele su he'ahana yabe.

Matiu 26:35

Yesu ya luto Pitahi lu emigo Pitau lu'ehina: Nani kai'i bahane meho ketalunaya, kai'i hiti moneka fililu'inamo ni'ibe. Ya luto Pita lulago Yesuhi koko pana'a luga'amagi Pita lina'a hite moneko ka lu baga i'ahana yabe.