Matiu 20:21 - Ka Lamana'a Monoꞌi Lu Mu Tifiꞌehina Ka Yabe

²¹ Ya nohigo Yesu ma luto loka ho'ehina: Henanaka'mu nokebesibe? Ya ligo ai Yesuhi ma luto lu emi'ehina: Ma pana'ni loemo neha'ina kai alihi gihiti bo lolo nohitogomo moneba kayahi lamaga'aga minenogo moneuba kayahi soga'aga minenogo hila'ibe lutoka kaga molobo lu'ehina.

Matiu 20:21 Referans Kwoze

Matiu 19:28

To Yesu ma luto lu epi'ehina: Nani ma'naka luto lu nolepube. Alihi asaga'namagi yuhufanago lolo hilina yupahi Kokulumaguti limi'ehina Bo ai fana mehenagu minoto kibina bomofihi kefa hisalo minalina'mu yabe. To nani'i nemege'i melete mine'ahana bomagita ya'mana yupahi 12 kefa hisalo minalana'mu yabe. To lenali ya hilete Isilaeli naga'i 12 magihi kaba hi epalalabe.

Matiu 18:1

Yana kana'alo Yesuhi koko pana'a aitoga nehetilete ma lite loka he'ahana: Luga'a enebe ligito kuyu'afu sipi bo kokuluma kapolo kaba hilina ni'ibe?

Aposolo 1:6

Aposolo naga'magi Yesu hiti bite li nupa hite minelete ma lite loka he'ahana: Sipi Bo, yatai ya'ma kana'alo Isilaeli kapo aku'i li kosaba hilata ni'ifihe?

Maki 6:22

To ete nose'na ne'ahana yupahi Helotiasihi pa'auba Helotitoga buto enubulo melekehi igo, Helotigi ana melekepo laga'ani epesi'ehina yabe. Helotiu ai sipi laga besigo ana pa'mofi kumu ma luto lu emi'ehina: Oho. Ya'ma melekehi italo henana kimilube? Mone kebesilinana kimilunagi kai lu nimibo.

Matiu 20:32

Ya la'igo Yesu ho tiloto kehe i etimiloto ma luto etoloka ho'ehina: Nani hena hu letatalugo nela'ibe?

Kolose 3:1

Lenali Kilisito hiti ho ti'ahana bona'i nehafiye? Ai nohina kapomu'i sa sa hite lenegekesa yigilo. Anagu Kilisitou Hu'mamofihi yahi lamaga'aga nominabe.

Romu 12:10

Lenali ai ginaga fi eminogo ai ginaga fi eminogo hite koguna ite minalo. Ya hite minete lenigitini liyafa mehise bonatinimo le'mo hofa tete minalo.

Yoni 15:7

Lenali ya'ma nani hiti minototi kaga'ni komopatinigu minalina ana'ina'mu buka tilana huto hu lepilube'mu hibe.

Luku 22:24

Yesuhi koko panana'aguti kiyi'afu sipi bo nohilibe lilete kenasabo bi lumala hi'ahana.

Luku 19:11

Yesu lina kaga kehelina bona'i bame ka mone luto lu epi'ehina. Hena'mugope ai Yelusale hepa'i lebato oloto nominago enali Hu'mamofihi Kapo'a yatai ma'asi huto hilina'mu yabe, lite nekeheligo yabe.

Luku 18:41

Ya higo ana bouba lu'ehina: Sipi bo, nani nubu'ni pisi lu'ehina nele'mo bati hitogo aku bu galube lu'ehina yabe.

Maki 10:51

Ya higo, Yesu ma luto loka ho'ehina: Nani henana hu ketalube? To bu pisi lu'ehina bouba ma luto lu emi'ehina: Oho. Babafio. Nubu'ni li bati hu netoletogo aku'i bu goto minalube.

Romu 8:34

Kiyi kiyi'afu lifisa iloto ka foya lilube'mu nohibe? Yesu ai'asigo lali kumu fililoto ho tito aku Hu'mau lamaga'aga le'mo'ehigo nominabe. Analo nominoto lali kumu Hu'mamofihi amuya loka holata nohibe.

Maki 16:19

To Sipi Bo Yesu ai ana kaga lu epi su holoto'a yalo kokulumalugu tito folofa hu'ehibe. Anaga tito Hu'mamofihi yahi lamaga'aga mino moloto mino'ehina yabe.

Matiu 20:22

Ya ligo Yesu ana a'i lu emi'ehina: Noloka nohata kaga hapa'a hena kaga nolufi luto keheli bati mehuse nolane. Nanitoga huto hilina ekesa nagami'i naluna legitana ni'inagi letaliba ana konugutiba nala'ina ni'ifihe? Ya ligo etali li'aha'ina: Le'ali nalu'ina'mu yabe.