Matiu 19:24 - Ka Lamana'a Monoꞌi Lu Mu Tifiꞌehina Ka Yabe

²⁴ Nani mone'a hiti kaga lu lepilube lu'ehina. Kameli yagauba kata hetise neka'mofihi hokolo kapo'agu nesi'asi keta besinogo tilinaya to fe'noha'a babu luto nina bouba Hu'mamofihi kapo'alo bilube'mu hilinaya sipi keta besilina'mu yabe luto Yesu lu epi'ehina yabe.

Matiu 19:24 Referans Kwoze

Yoni 5:44

Mone lenalalutinigitogati sipi lenigi lilata nehana lenigi Hu'mamofihi aitogatiko olata nohina lenali melilata nehabe. Ya hi'ahana hiya'a keheli ule'ale hite komopatini emilabe?

Luku 18:25

Neka'mofihi kapo'alo kameli yagauba folo hokolo huto tilina keta besilina'mu yagi to Hu'mamofihi Kapo'alo yogo fe'noha'a babu lito ni'ina bouba sipi keta besilina'mu yabe.

Matiu 19:26

Ya lago Yesu enubugu enogo fiya iloto ma luto lu epi'ehina: Ma melugu bona'magi ya'manana mehilana'mu yabe. Hu'mau aisigo asaga'na lolo hilina'mu yabe.

Matiu 23:24

Lenali lenubu pisi lina bo bona'i kapo enelepilune'mu nehafihe? Lenali guya nose'nagu ume'ume'i noagomo hesi nehe'mite to kameli yaga noagomo lenali fa'mene asaga'i mikili helata nehabe.

Matiu 19:25

Enali koko pana'a ya'mana kaga'a kehelilete topa helete ma lite li'ahana: Ya latago minoba minoba hepa'i kuyu'afu lilinabe? lite Yesuhi loka he'ahana.

Yoni 3:3

Ya ligo Yesu lu'ehina: Nani ma'naka luto lu nokumube. Kene'i moneuba Hu'mamofihi Kapo'a bu megalina ai ito'afu aku'i keto kosaba hu tegi hilinaubago yabe.

Yoni 3:5

Ya luto ligo Yesu ka'alo nona'a lu'ehina: Nani ma'naka lusiga luto lu nokumube. Kene'i moneuba Hu'mamofihi Kapo'a bu galube linogomo ai nagami'uba hiti to Sikalafu'uba hiti yata'a keto kosaba hilinaubago yabe.