Matiu 19:22 - Ka Lamana'a Monoꞌi Lu Mu Tifiꞌehina Ka Yabe

²² Ya'mana neheya bouba Yesu lina kaga keheliloto ipagu gabu gigo ginaga fina bo kaga meluse bu'ehina. Hena'mugope ai fe'noha'a babu lu'ehina bo nohuto ai ana fe'noha'a fato bona'i meepilube luto'a ekesa kehelito bu'ehina yabe.

Matiu 19:22 Referans Kwoze

Matiu 6:24

Koko pana'i moneuba loe bolo moneko kumu lili'na lilata menohibe. Ya hilina ai mone bomofihi lili'na li bati nohuto mone bomofihi lili'na li bati mehilina'mu yabe. Lenali Hu'mamofihi lili'nalo bo'a neminete efapofihi lili'nalo bo'a moneko kumu meminalo.

Matiu 13:22

To nose'na legeya'a ufehe yamu'ubago hinagu limo ito notinamoya ma huto ni'ibe. Bo moneuba mono ka kehelilago ma melugu faga efaha fe'nohuba loe lae hu etoto keta besigo ai ana bomofinuguti ma'naka legeya'a huto hulata menohibe.

Kolose 3:5

Lenali ma melugu bona'magihi hapa'ani li he'milo. Moko lise'na yagi, ana'i gumina folose'na yagi, kolotananamofihi hapa'a yagi, lenipagu keheli sibina huse'na yagi, to foipanamofihi hapa'a asaga'i komopatiniguti li he'milo. To ma me'mofihi nasana asaga'i laga lepesise'na yana'mu lu laga hite he'milo. Ya'ma melugu nasana laga lepesise'namoya lugefa suhi huto ni'ina melugu bona'magi Hu'mamofihi le'mo laba hilata nehana ana'ina melugu nasana'a liyafa hite kanihi filata nehana. Lenali ya'ma hapa'aya mege'i memalalo.

Efeso 5:5

Lenali ya'ma ka kehelite minalo. Moko lilata bona'i to anananamo'mu enipagu hilina bona'i enali Kilisitohi to Hu'mamofihi kapolo minete lite metilana'mu yabe. To ana huto enali fato bomofihi nasana'a lilube luto enipagu hilina bona'i enali ana hite ana kapolo metilana'mu yabe. To hena'mube? Enali Hu'mamofitoga enemehi meemise ma melugu nasanatoga enemehi emilata lugefa nasana suhi huto mege'i melelata nehana bati mehibe.

Maki 10:22

Ya ligo, ana bouba keheliloto li pisigito mino'ehibe. Hena'mube? Ai'a fe'noha'a babu luto ni'igo kehelito komopa'a keta higo li pisigiloto nohinagati bufa hu'ehina yabe.

Matiu 16:26

To bo moneuba ma melugu asaga fe'nohi ninana lilube luto lilinaya to ai'a meha'a minigilibe. Ya hinogo asaga fe'nohanauba hena huto li buto bito he'malina ni'ibe? To bouba hena mina'a he'mito meha'a aku'i lilina ni'ibe?

Luku 18:23

Ya ligo ana Yuta bo ai ana kaga'a keheliloto fe'noho bo nohina'mu ekesa asaga nasana'ni musufalo bona'i meepiluna yana yigito ipagu nunu gigo ginaga fi'ehina yabe.

Matiu 14:9

Ya luto ligo Helotihi gufagu keta besi'ehina yabe. Ya hinaya ai asaga bona'i li nupa hite minete nose'na nana bona enubugu ma'naka luto lu emi'ehina yabe. Ya'mu luto ai lu'ehina: Anana li emilo.

Maki 6:26

Ya ligo Helotiu sipi ginaga fi'ehibe. Aku'i ai yahi tito lu emi'ehina ka'a asaga bona'magi kehelite aimo bu gete neminago, enali kumu lesa'a lu'ehibe.

Matiu 19:21

Ya ligo Yesu ana neheya kola bomofihi ma luto lu emi'ehina: Kai bati huto minalube lutomo asaga fe'nohaka buto bona'i noepito efahi lilotoka guna ito musufalo bona'i epibo. Ya hitogo hetofanaka kokulumalo minalibe. To kai ya huloto nani'i oto nemege'i molobo.

Matiu 19:23

To Yesu koko pana'a ma luto lu epi'ehina: Nani ma'naka luto lu nolepube. Fe'noha'a hiti bouba ai kokuluma kapo'alo tilinaya aitoga sipi keta hu etalina'mu yabe.

Yoni 16:20

Lama'naka lu lepilugi kehelilo. Lenali ya'ma yibisu kalasu hite nehinogo melugu bona'i mono ka mekeheli'ahana'amagi enali enegelo bilune'mu habe. Ya nehinogo lenali keke'i lilana'mu yabe. Ya nehinogo komopatini le'mo gelehe hinogo babahi hinogo haya ilina'mu yabe.