Matiu 19:21 - Ka Lamana'a Monoꞌi Lu Mu Tifiꞌehina Ka Yabe

²¹ Ya ligo Yesu ana neheya kola bomofihi ma luto lu emi'ehina: Kai bati huto minalube lutomo asaga fe'nohaka buto bona'i noepito efahi lilotoka guna ito musufalo bona'i epibo. Ya hitogo hetofanaka kokulumalo minalibe. To kai ya huloto nani'i oto nemege'i molobo.

Matiu 19:21 Referans Kwoze

Maki 10:21

Ya ligo, Yesu ai'i bu goto minoto ginaga nofigo ma luto lu emi'ehina: Kaika hapaka moneko'isi mehu'ahatana ni'ibe. Kai buto fe'nohakaloti'i mina'a lilotoka ito buto enumuhi menina bona'magihi epiletogomo Hu'mau kokulumaga kemetahanaka yege yege'na molo ketalina'mu yabe. To ya'ma hulotoka oto nemege'i molobo.

Luku 18:22

Yesu kaga'a keheliloto ma luto ana bo lu emi'ehina: Kai mone'nasi hilata ni'ibe. Kai asaga yogo fe'nohaka bona'i epi su nohoto to efahaka fe'noha'ani menilina bona'i noepito huletogo kokulumaluguti bati'naka lilata'mu yabe. Ya huloto nani'i nemege'i molobo, Yesu lu emi'ehina.

Luku 12:33

Lenali asaga fe'nohatini bona'i luga'amagihi epinogo efahi ananalo lepilenogo aku'i ana efahi musufalo bona'i epilo. To lenali kosaba gu'i efahi li malalatamo analo'i sibina mehilina'mu yabe. To lenali ifo muya yogo fe'nohatini kokulumalo meminigilina'mu yabe. To kokulumalugu guminalo bona'i menehabe to efahatini sifolohi megilina'mu yabe.

Luku 14:33

Yesu ana kaga'a lu baga i'ehina: Ana suhi huto mone bomaka asaga yogo fe'nohaka kemegesa hu emiloto ya suhi meminalata nani koko pana'ni lolo mehilata'mu yabe lu'ehina yabe.

Aposolo 2:45

Enali fe'noha'ani bona'i neepite efahi lilete ana efa guna i eto eto lite lilata hi'ahana yabe.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

Luku 9:23

To ai ma luto lu epi'ehina: Bo moneuba nani hiti alube lutomo ai'amu'i ekesa yigi fatoga mololoto malipu yafa'a asaga yupahi nani ana huse'na suhi li saga huba huba nohuto nemege'i meleno.

Yoni 10:27

To sipisipi yaga'nimagi nogo'ni kehelilata nehabe. Nani enali kumu keheliya igo nemege'i mele'ahana.

Matiu 5:48

Ya hu'ehinagi lenali asaga yupahi hetofanaguti minete hetofa foya lite bebe sete kokulumalugu Afotinifu hina'a hite minalo, luto Yesu lu epi'ehina yabe.

Luku 16:9

Nani lu nolepube, luto Yesu mone hiti ma lu'ehina: Lenali bati mehina efahi ma melugu nina hiti lenali bona'i enele'mo bati hite enele'mo lenalalutinigi enele'mo lolo hilafiye? O'e. Ya hilenogo alihi efahi lise kana'a su halina yupahi lenali lenele'mete kokulumatoga minoba minoba hepato bilanafiye? O'e, luto Yesu lu epi'ehina yabe.

Matiu 19:28

To Yesu ma luto lu epi'ehina: Nani ma'naka luto lu nolepube. Alihi asaga'namagi yuhufanago lolo hilina yupahi Kokulumaguti limi'ehina Bo ai fana mehenagu minoto kibina bomofihi kefa hisalo minalina'mu yabe. To nani'i nemege'i melete mine'ahana bomagita ya'mana yupahi 12 kefa hisalo minalana'mu yabe. To lenali ya hilete Isilaeli naga'i 12 magihi kaba hi epalalabe.

Matiu 16:24

Yalo Yesu koko pana'a ma luto lu epi'ehina: Bo moneuba nani'i hiti bilube lutomo ai'a gufa'amu ekesa meyigise malipu yafa'a lito kofiloto nemege'i meleno.

Luku 6:40

To sukulu pana'i moneuba tisa'amofihi hoto meminolata nohibe. To ai sukulugu buloto lepise kana'a su holenogo huloto'a yalo'i tisa'a hiti moneko legege neha'ibe.

Luku 5:27

Alihi Yesu kapo moloto buto bo mone takisi nolina ai gi'a Libai yabe, ai takisi nonugu nohigo bu goloto ana bo lu emito lu'ehina: Kai nemege'i moloto obo.

Maki 8:34

Yalo Yesu pana'alobo hiti asaga bona'magi hiti kehe igo ago ma lu epi'ehina: Nemege'i malalube'mu nohina bouba ma huto minalibe. Ai hapa'amu'i: Nemetahana meni'ibe luto he'miloto malipu li kofiloto'a nemege'i bati huto malalina'mu yabe.

Matiu 9:9

Yesu ana hepa'i he'miloto kapo moloto binaga takisi nolina bo mone gi'a Matiu yabe lite helata nehana bo ai takisi lilata nohina nonuga nohigo Yesu bu goloto ma luto lu emi'ehina: Nemege'i molobo. Ya ligo Matiu ho tiloto Yesuhi mege'i lifito bu'ehina yabe.

Hibulu 10:34

Lenali lenigibo lenalalutinigihi naga nonugu nehago enali kumu yabe lite komopatinigu ekafa'i ho'ehinamo ni'ibe. To asaga fe'nohatini bauna fite lilago ya'ma komopatinimofihi fe'nohi lamana'a amuya moloto minomo buse'namofihi molo'ohune lite kehelilete lenegelo bilata hi'ahanamo ni'ibe.

Maki 2:14

To anagati he'mito buto Alifiasihi pana'a Libai takisi nonugu nohigo bu goto ma lu emi'ehina: Ma bo yale. Kai nemege'i obo. To ya ligo, ai ho tito mege'i bu'ehina yabe.

Matiu 8:22

Yesu lu emi'ehina: Kai nemege'i molobo. Fili'ahanana bona'i komopa'ani menimise'namagi fili'ehina bona'i keli halabe, Yesu ya lu'ehina.

Matiu 4:19

Ya huloto Yesu ma luto lu etimi'ehina: Nani nemege'i mele'inogo nani letelepinogo'ni bona'i enele'mo kefefe hite lila'ibe.

Matiu 19:20

Ya ligo neheya kola bouba lu'ehina: Ya'ma asaga keya ka nani liyafa huto mege'i amolo'ohube. Ana'ina mone'a henana hiti hilube?

Matiu 19:22

Ya'mana neheya bouba Yesu lina kaga keheliloto ipagu gabu gigo ginaga fina bo kaga meluse bu'ehina. Hena'mugope ai fe'noha'a babu lu'ehina bo nohuto ai ana fe'noha'a fato bona'i meepilube luto'a ekesa kehelito bu'ehina yabe.