Matiu 19:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Mone yupahi bo moneuba Yesutoga nehetiloto loka ho'ehina: Tisao, nani hetofa suhi hena huto huloto'ni minoba minoba hepa'i lilube?

Matiu 19:16 Referans Kwoze

Yute 1:21

Ya nehite Sipi Boti Yesu Kilisitou ai fuluna'a molo lepoloto ule'ale huto mino kosaba'i ya'ma minomo bulata nasana molo lepalalina'mu geba hite nehite Hu'mau komopa'a lepi'ehina'alo minalo.

Yoni 3:15

Ya hilenogo aitoga komopa'ani emite minalana bona'magi aliha'a minoba minoba hepa'i lilana'mu yabe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.

1 Yoni 1:2

Minoba minoba huse'namofihi legeya'a huto hu lamana hulago lali bu goloto minoba minoba huto mino lito buto minose'namofihi ka'a ya'ma lu huto huto lu lepilata nohune. Minoba minoba huto mino lito buto minolatana ya'ma miyagu afotifitoga mino lito buto minoto aliha'a lalitoga huto hu'ehina.

Matiu 25:46

Ya linogo ya'mana bona'i enali enagabu ginogo minoba minoba hepalugu bite minalabe. To bati bona'a enali hetofa hepa'i minoba minoba hilana hepato bilana'mu yabe, luto Yesu lu epi'ehina yabe.

Taitasi 3:7

Ya higo Yesuhi lehe'mose nasana'auba Hu'mamofihi bulo lele'mo bebe sose'namu to lali minoba minoba huse'namu fifa ilata nohutamofihi lilabe luto ya hu leto'ehinamo ni'ibe.

1 Yoni 2:25

To ya'ma Kilisitou lele'mo lamana hilibe luto lu molo leto'ehinamo ya'ma minoba minoba babeyafalo minolata'namo ya'ma ni'ibe.

Taitasi 1:2

Nani ka lamana'amofihi hapa'a ma luto ni'ibe. Hu'mau faga meluse bomofihi koyapa'i me'i hiti kokuluma hiti huto mehu'ehina kana'alo ya'ma amuya lemehi fi hetofa hu letalube luto mino kosaba huse'na lelepito lu'ehina fifa ito minolata nohune.

1 Timoti 6:19

Ya nehite ya'ma mono ka legeya'a li huto hilanauba lufusa'ani ule'ale huto lolo hulenogo aliha'a mino lito buto minalinamo ni'ibe. Ya nohigo enali enemehi lamana'amofihi legeya'a lite mino kosaba huse'na lilana'mu yabe.

1 Timoti 6:12

Ya nohutoka kemehi emise'namofi kumu keheli ule'ale huto minoto, to mino kosaba'namofihi kapogu hololu luto bilata yamofihi mina'a lilane. Lelito buto amuya mololata yamofihi li pili koto lilane. To kaika ya hilube luto silaga bona'magihi enogobisalo mono ka ya suhi nohube luto lu molo'ehitogo Hu'mau ana huto kemehi emise'na ya suhi huto minalane luto elesa molo kimi'ehinamo ni'ibe.

Aposolo 16:30

Ya huloto Polunogo Silasinogo etele'mo fegutoga mololoto ma luto etoloka ho'ehina: Letali sipi bole, nani hena hinogo'ni Hu'mau nele'mo nubuto bilibe?

Romu 5:21

To foipana'aniuba asaga bona'i kaba hu epolo'ehigo filise'namofihi nagalugu mine'ahana. To Hu'mau lehe'mose'nauba kaba hu letolenogo Sipi Boti Yesu Kilisitou Hu'mamofihi kapogu lelepito buto mino kosaba huse hepato lele'mo mololata nohibe.

Romu 2:7

To bona'i luga'amagi Hu'mamofitoga agoya hu emite hetofana hiba hiba nehana to fana tose hepato bilune'mu nehite Hu'mau lele'mo ho tilibe lite nelana mino kosaba huse'namofihi kapogu bilune'mu nehana enali'i Hu'mau enele'mo kosaba hilibe.

Yoni 12:25

To ana huto bo moneuba mino lito buse'na'a amuya'a hiti li pili nokenogo ai'a fenene hilina'mu. To bo moneuba ma melugu mino lito buse'na'a li pili mekalina, megesa hu emilina, ya'ma bomofihi fenene mehuse ai kokulumalugu minoba minoba hilina'mu yabe.

Yoni 10:28

Ya'ma yagapana'nimagi mino kosaba huse'na epilube luto mefilise mineme bite minalabe. Nani enunu ki'ohunaguti fato bouba nebe mesililina'mu yabe.

Yoni 6:68

Ya luto enoloka hago Simoni Pitau ka'alo nona'a lu'ehina: Sipi Bo, lali kiyi'afitoga biluta'mu nolane? Minoba minoba huse'na episemofihi kaga'a kaitogago ni'ibe.

Yoni 6:47

Nani ma'naka lu nolepube: Bo moneuba nani'i keheli nimilina ai minoba minoba hepa'i bati'a lilina'mu yabe.

Yoni 5:39

Lenali mono bukugu fayahi keye'ahanamofihi mino kosaba hilana limilibe lite ana fayahi loko luku hite asaga kaga go'ehina bu gelata nehabe. To ya'mana fayahuba nani hapa'ni kumu lu huto huto lu lepilata nohibe.

Yoni 4:14

To nani epilube'mu nohuna nagami'i bo moneuba nalina aku aku'i nagami kumu mebesilina'mu yabe. Nani emiluna nagami'uba ailuguti ipi opoho nagami'uba nohina'a huto se menose logoba logoba hilina'mu yabe.

Matiu 19:29

To enali bona'i luga'amagi nani kumu lite enekesa yigilete noha'anifi enogona'anifi enetali'anigifi ito'anigi afo'anigihifi yagapana'anifi to foya'anifi he'milete nanitoga alanamagi enali anana'anilo babu lite lilana'mu yabe. To enali bati huto minoba minoba hepa'i lilana'mu yabe.

1 Timoti 1:16

To Hu'mau osahi nimilube'mu huto komopa'a li gelehe huto ginaga fi nimi'ehina'mu henabe lutobe? Yesu Kilisitou ai komopa'a fitu fo netoto buba buba hu'ehina, ya hu'ehinamofihi hapa'a lenelepilube luto Hu'mau nani'i ya'ma foipa bona'i enebe ligi'ohuna bo nohunamofita ai komopa'a nimi'ehina yamofihi fa'mene meni'ibe. Bona'magi aliha'a Hu'mau nele'mo'ehinamofihi hapa'a bu gelete keheli bati hite Hu'mamofitoga keheli amuya malana Hu'mau mino kosaba huse'na epilina yamofihi kapo'agu tite mineba mineba hilabe.

Matiu 19:26

Ya lago Yesu enubugu enogo fiya iloto ma luto lu epi'ehina: Ma melugu bona'magi ya'manana mehilana'mu yabe. Hu'mau aisigo asaga'na lolo hilina'mu yabe.

Matiu 19:15

To Yesu enugufalo yahi liloto lusa gi epoloto he'mi epoloto bu'ehina.