Matiu 19:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Yesu lu'ehina: Lenali yagapana'i he'mi epelenogo nanitoga eno. Lenali enele'mo memalalo. Kokuluma kapoya yagapana ya'ma'asimagihina ni'ibe.

Matiu 19:14 Referans Kwoze

Matiu 18:3

Ya huloto ma luto lu epi'ehina: Nani ma'naka luto lu nolepube. Lenali komopatini i gelehe hilete pana'i lagaso'a legi mehilana lenali kokuluma kapo'alo mebilana'mu yabe. Ma'naka luto lu nolepube.

1 Koliti 14:20

Nalalu'nigita, fato enonogoguti kaga lulatana'mu yagapana inapupagi suhi hite minete foipa hapa'a mekehelilo. Ya hite, minalanaya yagapana inapupagihi kehelise'na hiti meminalo. Enali kaga keheli fe menelibe. To lenali kaga kehelite le'mo fe lilune lite ya'ma olopa bona'magihi kehelise suhi lilo.

Maki 10:14

To ya hago, Yesu bu enogoto keheliloto pana'alobo'a sipi ka epekito ma lu epi'ehina: O'e. Ya mehilo. Lagaso yagapana'magi nanitoga bati hite alana'mu yabe. Lu laga mehilo. Yagapana'i suhi hite nemina bona'magi Hu'mamofihi kapogu tilana'mu yabe. Lusiga lu nolepube.

Matiu 11:25

Ya'mana yupahi Yesu ma luto lu'ehina: Oho. Afo'niga, kokuluma'i hiti me'i hiti sipi kaba bo'a nohane. Kai ana'inaka kehelise bona'magihi enubulo li fala nokito to kai lagaso yagapana'magihi enubulo li huto hulata nohata'mu nani kofokehi lito bati huto yabe luto kegepohi nolube.

Matiu 5:3

Bona'i enali komopa'anigu nani bati mehina bo nohube lite kehelite ya'ma minelata nehana enali enegelo bilo. Enali Hu'mamofihi kapo'alugu tilana'mu yabe.

Matiu 5:10

Hu'mamofihi ka'a mege'i melete minelata nehana bona'i enali enagabu foya nelitemo enegelo bilo. Hu'mamofihi kokuluma kapo'a enali'na lolo hilina'mu yabe.

Matiu 19:15

To Yesu enugufalo yahi liloto lusa gi epoloto he'mi epoloto bu'ehina.

Maki 10:15

Bo moneubafi moneuba lagaso yagapana'mofihi suhi huto Hu'mamofitoga agoya hu emilina bouba, ai Hu'mamofihi kapogu tilina'mu yabe. To bo moneubafi moneuba lagaso yagapana'mofihi suhi huto Hu'mamofitoga agoya hu meemilina bouba, ai Hu'mamofihi kapogu metilina'mu yabe.