Matiu 18:8 - Ka Lamana'a Monoꞌi Lu Mu Tifiꞌehina Ka Yabe

⁸ To kigi kayahakauba foipana li huto nohinogomo kai laga huto he'milago bubo. To kayahi mone kegi'a hiti kigigusa mone kegi'a hitigo minolenogo bati huto minoba minoba hepato bilata'mu yabe. To kigi kayahi luga luga hiti ni'inogo nohuto logo loba loba huto mesobose hepatoga bilata bati mehu'ehibe.

Matiu 18:8 Referans Kwoze

Romu 13:12

Yatai kana'a sinihi gise suhi huto ni'ina ma'asi su halibe. Kokulumalugu go'i lilina'mu yabe. Lali foipana nohutana metepuhi nasana li he'mi su halune. To go'i lulenogomo lali gimi gito Sataha naga'i hiti lugufati foipana nohinana'a hiti luba hilune.

Huto Hilina Ka 20:15

To ana bona'i ya'ma enigi'ani amuya minoba minoba nehana bona'magihi enigi koyo molo'ehina bukugu meni'ina'a enali ya'ma logomofihi hefuha'agu kala efahi logogu loto ni'inagu fitu fo he'migo limite mine'ahana.

Huto Hilina Ka 14:10

enali ekesa bai nagami tegi huto Hu'mamofihi ita bise'na'a ni'ina fa'mene nagami'i hiti li sibi sibi mehuse ipakafa halina lapeluguti epinogo nalabe. Ya hilete hetofa agelo lamana'amagi to sipisipi nala'a enali enubulo hiti to kala efahi logogu lolenogo keligu li binogo limite nehite enagabu neginogo kehelite minalina'mu yabe.

Huto Hilina Ka 21:8

To luga'amagi ufeha'a hiti nasana'mu enelesa lilina bona'i to mono ka keheli he'milata bona'i to kolo tanana lilata nehana bona'i to enoho fililata nehana bona'i to mokolo bona'i to nalisalo bona'i to faga lugefa enalapusa fi emilata nehana bona'i to faga fagalo bona'i ya'ma ya'iya nasana lite minelata hi'ahana asaga'i yege yegetoga enali nohi hepa'ani logo'a hiti nagami hefunugu kala efahi logo loto ni'inagu ya'ma minalabe luto lu'ehinamo ni'ibe. Ya nasanauba ya'ma filise'namofihi napa 2 lolo nohibe.

Luku 14:33

Yesu ana kaga'a lu baga i'ehina: Ana suhi huto mone bomaka asaga yogo fe'nohaka kemegesa hu emiloto ya suhi meminalata nani koko pana'ni lolo mehilata'mu yabe lu'ehina yabe.

Matiu 25:46

Ya linogo ya'mana bona'i enali enagabu ginogo minoba minoba hepalugu bite minalabe. To bati bona'a enali hetofa hepa'i minoba minoba hilana hepato bilana'mu yabe, luto Yesu lu epi'ehina yabe.

Matiu 25:41

To nani nayahi soga'niga nehana bonatoga i behe huloto ma luto lu epilube: Lenali foipa bona'i. Lenali logo mesobose logo loba loba huto nina hepatoga bilo. Ya'mana logo Afo'nifu Sata hiti foipa fele'a hiti mesobose loba loba logo go epolo'ehinalo yabe. Lenali analo bilo.

Luku 16:24

To, bu nogoto kehe ito ma lu'ehibe: Oho. Abalahao, afo'nigase. Keke'i nolu netobo. Kai Lasalasi ho lifigo ai yaha'a nagamilugu mololoto kenetufa'niloga mololenogo ketipa ilina'mu yabe. Nani mana logo guluya me'mogu nagabu'ni sipi nogigo nohunagihe.

Matiu 17:27

Ya hu'ehina lali enele'mo topa ho lalune. Kai nagami hefuto buloto faya huku molobo. To yata'a lilata faya'i lito baga'a li aka huloto efahi bu galata'mu yabe. Kai ya'mana efahi liloto nani kaika hiti takisi he'mitogo su halibe.