Matiu 18:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Ma'naka mone'a hiti luto lu lepilube. Ma melugu bona'magita folagahatiniguti bo loemale'i ana'ina monekoto komopa'atiti li hepilete anana lilu'ibe lite nunumu hila'ina, yalo Afo'nifu Hu'ma kokulumalugu nohinauba anana etimilina'mu yabe.

Matiu 18:19 Referans Kwoze

Matiu 7:7

Lenali Hu'mamofitoga nunumu hite kehe ilenogo lepilibe. Lenali sa sa hite lilabe. Lenali kasito inogo Hu'mau kafe sigi lepalalibe.

Maki 11:24

Ya'mu nani kaga lu nolepunagi keheli'ehilo. Kai Hu'mamofitoga nunumu huto ana'ina loka nohotoka, to komopakagu: Hu netalibe luto lama'naka keheli ule'ale huto ya huletogo Hu'mau ai lolo hu ketalina'mu yabe.

Yoni 16:23

Ana huto hilina kanagu ana'ina'mu noloka mehalana'mu yabe. Nani lama'naka lu nolepube. Lenali bona'ni nehanamu'i Afo'nifitoga buka tilana yamofihi nani nigi'nilo lepilina'mu yabe.

Filipai 1:19

To lenali nani kumu yabe lite kehelite Hu'mamofitoga lilata hi'ahana foya lilenogo to Yesu Kilisitohi Sikalafu'auba nele'mo bati hulenogo bati huto minaluna nasana li huto molo netalube'mu hibe. Komopa'nigu ya'ma luto kehelito keheli bati huto minalube'mu hube.

Matiu 21:22

Lenali komopatini Hu'mamofitoga melelete ana'ina mone kumu'i nunumu hilana ana nunumutinilo nona'a lilana'mu yabe, luto Yesu lu epi'ehina yabe.

Yoni 15:7

Lenali ya'ma nani hiti minototi kaga'ni komopatinigu minalina ana'ina'mu buka tilana huto hu lepilube'mu hibe.

1 Yoni 3:22

To ka'a kehelilototi ai bulo minoto moloto nohunogo bati hulata nohibe. Ya'mu ya'ma aitoga lutogo limilata nohibe.

Aposolo 12:5

Ya higo Pitau nagalugu nohigo gimi bomagi kaba hi'ahana. Ya'mu lite enali Yesuhi komopa'ani emite minana bona'magi Hu'mau he'malibe lite amuya melete nunumu hi ete'ahana yabe.

Yoni 15:16

Lenali nani'i ya'ma nele'mo eto menehabe. Nani ya'ma lenele'mo eto hugo lenali bite legeya'i li huto hilenogo amuya moloto minoba minoba huto minalibe luto lu lepolo'ohuna. Ya hilete nani nigi'ni kehelite ana'ina henana'mufi Afo'nifitoga buka tilana'alo lepilube'mu hibe.

Aposolo 1:14

Ya'ma bo asaga'i enali komopa'ani monetoga melete li nupa hite numuna hite minelata hi'ahana. To ana'i luga'a hiti to Maliau Yesuhi ito'afi hiti to gonamu tamu'a enali ana hite moneko ete li nupa hite nunumu hite mine'ahana yabe.

Matiu 5:24

asaga'na ana hitalo nomoloto hololu luto buto kogonaka le'mo fulu huto ya huto kipakafa hoto ka emeki'ohuna yatai lubeyaga nounagihe luto li koguna ilete'atiti yalo alihi oto Hu'mamofihi hitalo lokiya fi emibo.

Aposolo 6:4

Ya hinogo laliti nunumu huse'na hiti to boana'i kaga lu yege hose'namofihi lili'na'asigo li eto huto lito bilune.

Aposolo 16:10

Polu ya huto bamu'i abu golago lali mele'isi Masetonia biluta kapo'mu sa sa hu'ohuta. Hena'mugope Masetonia bonatoga ka lamana'a lu yege halo luto Hu'mau lali'i kehe noibe lutoti lu keheli'ohuta.