Matiu 17:21 - Ka Lamana'a Monoꞌi Lu Mu Tifiꞌehina Ka Yabe

²¹ Ya hu'ehina ya'manamofihi foipa fele ho lifise kapo'a fato'i mone meni'ibe. To nose'na mo sito nunumu foya liseubago anasi ana foipa fele ho lifilina'mu yabe.

Matiu 17:21 Referans Kwoze

Maki 9:29

To ai ma luto lu epi'ehina: Ya'mana felemo amuya kene'i nohina yabe. Lenali fa'mene le'mo he'milana meni'ibe. Hu'mamofitoga yata'a nunumu hite loka helete alihi bati hite le'mo he'milana'mu yabe.

Matiu 17:22

Yesuhi koko pana'a Galili hepato aku'i e nupa hilago kaga mone ma luto lu epi'ehina: Kokulumaguti limi'ehina Bomofihi fateha'amagi enayanugu le'mete bite bilana kana'a anasi hupamone nohibe.

Matiu 12:45

To ya huto ni'igo ana noha'a bu goloto ai aku'i ana noha'aguti heleko limito buto sebeni'a foipa fele enele'moto ago ana noha'agu minelata nehabe. Koyapa'i ana bo nesi'a bati huto minolata hinamo yatai babu foipa fele ete ai gufagu bai tago ana bomoya foipa loto bati mehulata nohibe. To aku'i su holotomo ema afetogati hapi fito tilata nohibe. Yatai kanalo foipa bonatoga ya'ma suhi luto huto hilina'mu yabe, luto Yesu lu epi'ehina yabe.

Aposolo 13:2

Ya hite, enali komopa'ani Sipi Bomofitoga emite nunumu nama lite nose'na mo site nehago Sikalafu'uba oto ma luto lu epi'ehina: Lenali Banabasinogo Solinogo etele'mo ho tinogo nani lu etoto'ohuna lili'nalo bila'ibe.

Aposolo 14:23

To asaga Yesuhi kaga'a kehelise bona'magi folagaha'aniguti kaba bo'ani mone enele'mo ho tila ho tila hi'aha'ina. Etali nose'na mo site minete nunumu hu epelete Sipi Bomofitoga komopa'ani molo emite minanamofihi yanugu enele'mo molo'ehina yabe.

1 Koliti 7:5

Bo alobole letali letugufamofihi lite amanapa lolo mehiliyo. Fa'mene Hu'mamofitoga nunumu hite malalu'ibe'mu keta mehuse hite kanatiti kanatiti lu kehelilete kana'a melelete lila'ina yamofihi bati hilube'mu hibe. Malala'ina kana'a su holenogomo aku'i li hepite malaliyo. Malala'ina kana'a be liginogomo yamofihi Satau ai enimi'i molo hinogo foipa hi lalibe luto nolube.

2 Koliti 11:27

Hitupa foya lito nugufa nagabu'i gigo humofa'na huto nubu'i ko bati mehuse humofa'na huto kau'namu filito yafi nagami kumu nebesigo yasi'mu filito mino'ohunamo ni'ibe. Gukete'mu to nebelusa'mu sa sa huto mino'ohunamo ni'ibe.

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.