Matiu 16:26 - Ka Lamana'a Monoꞌi Lu Mu Tifiꞌehina Ka Yabe

²⁶ To bo moneuba ma melugu asaga fe'nohi ninana lilube luto lilinaya to ai'a meha'a minigilibe. Ya hinogo asaga fe'nohanauba hena huto li buto bito he'malina ni'ibe? To bouba hena mina'a he'mito meha'a aku'i lilina ni'ibe?

Matiu 16:26 Referans Kwoze

Luku 9:25

To bo moneuba lili'na amuya moloto liloto yogo foya bo huto minoto asaga'na melugu ninana ai li su holoto minoto ai'a komopa'a li sibina huto meha'a minigilenogo aliha'a ana yogo fe'noha'auba li buto bito he'malina ya'mana asaganauba hena huto he'malina ni'ibe?

Luku 12:20

To ana bouba ya ligo, Hu'mau: Kai negi bo nohane, luto, kai yatai folugu'i fililata'mu yabe. Filito to felekamo kugufaka he'mito bilina'mu yabe. To ya huto nofilitogomo, ya'mana li nupa hu molo'ahatanamo kuyu kuyu hite lilabe? Hu'mau ya luto lu emi'ehina.

Luku 16:25

To Abalahau ma lu emi'ehibe: Pana'ni. Koyapa hapaka beto hubo. Kai koyapa ana'inaka hetofana babu luto ni'igo, kofokehi luto mino'ahata yabe. To Lasalasi ai koyapa kene'i nohuto sibina huto mino'ehina yabe. To yatai ai bati huto nohigo to kai kagabu'i nogigo nominane.

Matiu 5:29

To lamagakaga kubukauba ligo foipana nohutomo li kutu hoto he'milago bubo. Kugufaka luga kegi'a fenene hinogo nohuto minoba minoba kapogu bilata bati huto yabe. To kugufaka asaga'i ni'inogo nohuto logo kapogu bilata ya bati mehu'ehibe.

Matiu 16:25

To bo moneuba ai'a gufa'a li buto bito koli koli huto minalina ai gufa'amofihi mino kosaba huse'na'a minigilina'mu yabe. To bo moneuba nani kumu luto gufa'a he'milina alihi ai gufa'amofihi mino kosaba huse'na'a aku'i lilina'mu yabe.

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.