Matiu 16:24 - Ka Lamana'a Monoꞌi Lu Mu Tifiꞌehina Ka Yabe

²⁴ Yalo Yesu koko pana'a ma luto lu epi'ehina: Bo moneuba nani'i hiti bilube lutomo ai'a gufa'amu ekesa meyigise malipu yafa'a lito kofiloto nemege'i meleno.

Matiu 16:24 Referans Kwoze

Matiu 10:38

To bo moneuba malipu yafa'a lito kofiloto nemege'i memalalinauba ai nani nalalu'nifu lolo mehilina'mu yabe.

Luku 14:27

To bo moneuba ai malipu yafa'a kofiloto nani'i nemege'i memalalina nani koko pana'ni lolo mehilina'mu yabe.

Maki 10:21

Ya ligo, Yesu ai'i bu goto minoto ginaga nofigo ma luto lu emi'ehina: Kaika hapaka moneko'isi mehu'ahatana ni'ibe. Kai buto fe'nohakaloti'i mina'a lilotoka ito buto enumuhi menina bona'magihi epiletogomo Hu'mau kokulumaga kemetahanaka yege yege'na molo ketalina'mu yabe. To ya'ma hulotoka oto nemege'i molobo.

2 Timoti 3:12

To bona'i Yesu Kilisito aitoga bite i hepite mono kapolo bilana ya'ma enali asagatoga kalana'i melelata nasana enali enugupisalo tilube'mu hibe.

Maki 8:34

Yalo Yesu pana'alobo hiti asaga bona'magi hiti kehe igo ago ma lu epi'ehina: Nemege'i malalube'mu nohina bouba ma huto minalibe. Ai hapa'amu'i: Nemetahana meni'ibe luto he'miloto malipu li kofiloto'a nemege'i bati huto malalina'mu yabe.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Kolose 1:24

To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

Yoni 19:17

To Yesu ai malipu yafa'alo kofito nobigo enali hepatogati he'mite mone lataha felisa'a hepato bite neheti'ahana. Yana hepa'i Hibulu kaluguti Gologota yabe nelana.

1 Tesalonika 3:3

to ya'ma kalana'i melenogo lenali Yesuhi kapo'amofihi he'mi lalabe luto ya'mu ho lifi'ohube. Lenali ya'ma ya lite kehelilo. Luba hose'nauba lugupisalo tilube'mu higo Hu'mau ya'ma lu laga mehuse nohuto ananamotu lele'mo amuya hilina'mu yabe. Ya'ma lenali akeheli'ahanamo ni'ibe.

Matiu 27:32

Enali kapo melete nebite Sailini metoga bo gi'a Simoni ai'i be gelete fitu fo etete Yesuhi he'moto malipu yafa'a kofi etobo lago ai kofi he'mo'ehina.

Maki 15:21

To le'mete nebago bo moneuba Sailini naga'i nohina bo gi'a Simoni, Alekasatahi to Lufusihi afo'atitifu yagi, ai ana kapolo kifiguti noago enali bu gete le'me kefefe hite naga'i emite Yesuhi malipu yafa'a gupisalo li malago ai kofito bu'ehibe.

Luku 23:26

Enali Yesuhi le'mete kapo melete nebite kapogu bo mone Simoni ai Sailini melugu bo fo telete yato li'ahana. Ai kifiguti oto sipi hepalugu tilube'mu nohina bo yabe. To enali Yesuhi malipu yafa lite gi'nalo malago kofiloto Yesuhi mege'i moloto bu'ehina.

Yoni 21:19

Yesu ya'ma kaga lu emi'ehina'mu Pitahi fililinamofihi hapa'a mone yupahi huto hilina ya'ma lepi'ehibe. To Pitahi ho fililina'mu Hu'mamofihi gi'a liyafa hilina'mu yabe. To Yesu lu emi'ehina: Pitao, Nemege'i molobo.

Yoni 21:22

Ya ligo Yesu lu emi'ehina: Ai minoba minoba huto nani aluna yupapo minenogo ya'ma kaika foyakamo ni'ifiye? Kaika nemege'i molo'ohubo.

1 Pita 2:21

Lenali ya suhi hilabe luto elesa molo lepi'ehinamo ni'ibe. Kilisitou ai'a ana suhi huto lenali kumu yabe luto keke'i luse'namofihi gupisalo tito minoto lenele'mo kohe to'ehinamo ni'ibe. Lenali ya hu'ehina'mu lite mege'i melete bilo.