Matiu 16:21 - Ka Lamana'a Monoꞌi Lu Mu Tifiꞌehina Ka Yabe

²¹ Yana kana'alo Yesu koko pana'a kaga hapi fito lu hokolo huto lu epi'ehina: Nani Yelusale hepatoga buloto'ni enikibina bo, sipi mono bo to keya ka tisa bo enalitogati nagabu foya li kofilube. Enali noho fililenogo yege loebe monebe minoloto'ni aku'i ho tiluna'mu yabe.

Matiu 16:21 Referans Kwoze

Matiu 17:12

Ya hu'ehina nani ma'naka luto lu nolepube. Elaiyau ai ao'ehibe. Ya hu'ehinamo bona'magi Elaiyau nohibe lite menekehelibe. Ya hite enali enemehuba hinanamofihi mege'i melete nehite fato fato suhi hi ete'ahana yabe. Kokulumaguti limi'ehina Bomofihi ana suhi hi etete gabu'i gilinana hi etalana'mu yabe.

Matiu 27:63

Ya hilete ma li'ahana: Sipi bo yale, ai fagalo bouba mefili'ohuto kaga mone ma luto lu'ehina lu kimilune. Loegi monegi yupahi minoto'ni aku'i ho tiluna'mu yabe luto lu'ehina.

Matiu 20:28

Ya'ma Kokulumaguti limi'ehina Bo ai ana suhi huto nohibe. Bona'magi aito lili'na he'mete li etalabe luto meo'ehina yabe. Ai boana'magitoga lili'na li epoloto enehe'malube luto o'ehina. To ai boana'magi kumu luto gufa'a he'miloto asaga boana'i foipana'ani pa so epalalube luto o'ehina yabe.

Luku 17:25

Ya hu'ehina ai yata'a sipi gabu foya kofila to enali yatai bona'i ma nehanamagi okabagu bu go bati mehise megesa hu emila hilenogo yabe, luto Yesu lu epi'ehina yabe.

Luku 24:46

Ya hago ai lu epi'ehina: Mono kagu ma luto nina yabe. Mesiau gabu gise'na li kofito fililoto loegi monegi yupanugu aku'i kene keliguti ho tilina'mu yabe.

Maki 8:31

To yalo, kaga lu noepito ma lu'ehibe: Nani Kokulumaguti limi'ohuna Bomofita alihi kalana'i mele netete to baga'a hiti'na nugupisalo tinogo kofilube. To enali olopa mono bona'magi hiti sipi mono'i kaba bomagi hiti to mono ka negana bona'magi hiti enemegesa hi nimilete nahalabe. To malipu yafalo noho fililenogo'ni loeyagi moneyagi yegegu keligu minoloto'ni yalo fili'ohunaguti gololo tuto ho tito minalube.

Luku 9:31

Etali kokulumamofihi fana meha'a hiti nehetilete Yesu Yelusale hepalugu Hu'mau lu eto'ehina kapolo moloto fililinamofihi ka'a lugo keheligo hi'ahana.

Matiu 26:47

Yesu kaga luto nohigo Yutasiu 12 Yesuhi koko pana'a mino'ehinauba Yesu nohinalo neheti'ehina. Ya nohigo babu bona'i mege'i melete yanamagi emita'i yatamana nelite osahi ko nefite bululu hite e'ahana. Ya'mana bona'i enali sipi mono bona'i hiti to soga bona'magi enoho lifigo e'ahana yabe.

Matiu 26:2

Lenali akeheli'ahabe, loe yupahisi minolototi koyapa Hu'mau lubuto bu'ehina yupa kumu Pasa yabe nelana ya'ma nose'na naluta kana'a huto hilina'mu yabe. Ya hulenogoti Kokulumaguti limi'ehina Bomofihi le'mete bite fateha'amagihi enayanuga melenogo malipu yafalo ho fililana'mu yabe.

Matiu 27:12

Enali sipi mono bo hiti Yuta bo olopa bomagi hiti Yesuhi fisa ina kaga'anilo Yesu kaga nona'a meluse legeso huto mino'ehina.

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.

Matiu 12:40

Yonau loegi monegi yege hiti sinihi hiti faya'mofihi komopa'agu ko'ehina'a huto Kokulumaguti limi'ehina Bouba yege loegi monegi hiti sinihi loegi monegi ana suhi huto ma me'i komopa'agu kalina'mu yabe.

Matiu 16:22

Ya ligo Pitau le'mo beletoga moloto amuya ka emekiloto ma luto lu emi'ehina: Sipi Bo, enali ya mehi ketalana'mu yabe. Ya'mana suhi kaitoga huto mehilina'mu yabe.

Matiu 17:9

Enali ana kosa he'milete kapo melete nelimite amuya kaga luto enekesa biloto Yesu ma luto lu epi'ehina: Ya'manana huto higo lenali bu ge'ahana lenali bona'i luga'a meepilo. Lenali komopatinigu melelete nehinogo Kokulumaguti limi'ehina Bouba keli he'miloto ho tilenogo ana kaga lu huto hilo.

Matiu 28:6

Ai malo'i menohinagihe. Ai fili'ehinagati aku ho tilube luto lu'ehina'a ya huto ho ti'ehibe. Ete manugu tilete koyapa'i gufa'a ko'ehinalo be galiyo.

Maki 9:12

Ya lago, ai ka'anilo nona'a ma lu epi'ehina: Ma'naka. Elaiya yata'a oloto asaga'na le'mo bati hilibe luto mono kagu akeye'ahana ni'ibe. To Kokulumaguti limilina Bomomu'i henana keye'ahana ni'ibe? Ai kumu ma lite li'ahanamo ni'ina: Bona'magi enemegesa hi emite luna lana asaga'i hi etelenogo gabu'a sipina gilina'mu yabe. Ai kumu ya luto mono fayanugu keye'ahanamo ni'ibe.