Matiu 16:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To nani kokuluma kapolo hokolo hilatanafi to hekini lolatanafi kimiluna'mu yabe. To kai ma melugu nominotoka hapa'a mone hekini loto lu laga hu epelenogo kokulumalo bo, Hu'mau ana huto lu laga hilina'mu yabe. To ma melugu nominotoka hapa'a mone hokolo hu epelenogo kokulumalo bo, Hu'mau ana huto hokolo hilina'mu yabe.

Matiu 16:19 Referans Kwoze

Matiu 18:18

Ma'naka luto lu nolepube. Lenali asaga'na ma melugu ninanamofi kumu lu laga hilana Hu'mau kokulumalugu ana suhi huto lu laga hu epalalina'mu yabe. To asaga'na ma melugu bati huto lilina'a Hu'ma kokulumalugu ana huto bati huto yabe lilibe.

Huto Hilina Ka 1:18

To amuya bo afo'afita minomo buto minaluna'mu yabe. Nani fili'ohunagi aku'i ho tito to filise'na to yabalugu kafemofihi foloke'a nanigo li'ohube.

Huto Hilina Ka 3:7

To Filatelefia hepatoga Hu'mamofihi yagapana'amagihi agelo ya suhi huto kaba hu noepalana bouba ka'a ma luto fayahi koyo emilenogo lu epilibe: Bati nominana to fotogo nohina bouba mone gihiti bo, Tebitihi, kafemofihi foloke'a li'ohuto kafe sigi hokolo hu'ehinogo moneuba buto li hekini melalube'mu hibe. To li hekini lo'ehinogo moneuba kafe mesigilube'mu hibe.

Yoni 20:23

To bona'i komopa'ani i gelehe hilenogo lenali foipana'ani li he'mi epalalabe kaga'ni molo'ohube. To bona'i komopa'ani i gelehe mehilenogo foipana'ani mehe'mi epalalanaya ana foipana'ani minalina'mu yabe.

Huto Hilina Ka 11:6

To etali etubugilo kaba hila'inamofihi amuya etimi'ehina ni'inagihe. Hu'mamofihi kaga'a lu yege hete neha'inogo kokuluma hekini lo eto'aha'igo ko'i meilina'mu yabe. To asaga gulu gulu nagami'i kaba hite amuya'a hiti ya'ma etimi'ehinamo ni'igo etali ana nagami'i golaha lolo hi etala'ibe. To melugu silaga'na gumi'i halina'a huto hilibe lite etegekesagu kehelilete li'inogo huto hilina'mu yabe.

2 Koliti 2:10

Lenali bo mone'mofihi foipana'a li pa so etelago nani ana huto li pa so etolata nohube. Ai'a foipana'a lu huto hu'ehina ya'ma li huto hu neto'ehina ni'igo ya'ma pa nosobe. Ya hu'ehina lenali kumu kehelito Kilisitohi bulo ya'ma

Huto Hilina Ka 9:1

To agelo napa 5 ai ya'ma pikuli fu noligo nani bu go'ohuna. Sonofi moneuba minoto kokulumaguti ifi tito melugu nolimigo bu go'ohuna. To yatama kelimofihi kafe'a sigilibe luto yamofihi foloke'a emigo li'ehina.

1 Tesalonika 4:8

To ya'mu ana kaga mege'i emilina bouba fa'mene bona'magihi ka he'mi'ehina meni'inaya ai'a. Hu'ma Sikalafu'i lepilatamofihi megesa hu emilata nohibe.

Aposolo 15:7

Enali kenasabo bite kaga lumupa ilago Pitau ho tiloto ma luto lu'ehina: Nalalu'nigitase. Koyapa kanagu nani'i fegutoga bona'magitoga ka lamana'a lu yege ho epilenogo enali ana kaga kehelite li komopa'anigu malalabe luto Hu'mau lenali folagahatiniguti nele'mo ho ti'ehina lenali keheliya i'ahabe.