Matiu 16:14 - Ka Lamana'a Monoꞌi Lu Mu Tifiꞌehina Ka Yabe

¹⁴ To enali lu emi'ahana: Luga'a bona'magi Yoniu nagami folo epolose bo nohibe nelabe. To luga'a bona'magi Elaiyau nohibe nela. To luga'amagi ai Yelemaiya nohifi fato lu huto huto bo nohifi lite lilata nehabe.

Matiu 16:14 Referans Kwoze

Maki 6:15

To mone'amagi: Ai koyapa bo Elaiyau aku'i huto nohibe, lite li'ahabe. To mone'amagi: Ai Hu'mamofihi ka'a lu huto huto bo nohibe, lite, ya'ma koyapa emasana ka lu huto huto bo mino'ehina legi nohibe lite li'ahabe.

Matiu 14:2

Ya huloto ai lili'nalo bo'a lu epi'ehina: Ya'ma bo ai Yoniu nagami folo epolose bo yabe. Kene keliguti aku'i ho ti'ehibe. Ya hu'ehigo ya'ma asaga amuyana ai yato huto nohibe.

Yoni 9:17

Ya'mu Felosi bona'magi ana bomo aku loka he'ahana: Nubu'ni gili gili hu neto'ehina lulata nohuta, ai kumu hena kekesa kehelilata nohane? Ya lago ai lu'ehina: Kaga lu huto huto bo nohifi?

Yoni 7:12

Ya lago enali li gehesa hite nehana boana'magi sumi sami kaga ai kumu li'ahana: Ai hetofa bomo nohibe, lite luga'a bona'magi nelago to luga'a bona'magi ma lite li'ahana: Ai bona'i faga faga lu epilata nohina bo yabe.

Luku 9:8

Luga'a bona'magi koyapa bo Elaiyau huto nohibe nelago to luga'a bona'magi koyapa mono ka leli'ali hu'ehina bo aku'i ho ti'ehibe lila hite kaga lu samahi ti'ahana.

Maki 8:28

Ya ligo, enali ma li'ahana: Mone'amagi Yoniu nagami folose bo yabe lite nelabe. To mone'amagi Elaiya yabe lite nelabe. To mone'amagi koyapa ka lu huto huto bo moneuba aku'i ho notibe lite nelabe. Kai kumu ya lite nelana yabe.

Matiu 17:10

To Yesuhi koko pana'amagi ma lite loka he'ahana: Keya ka kehelise bomagi hena hibe lite Elaiyau yata'a alibe lilata nehabe?

Yoni 1:21

Enali aku'i loka he'ahana: Kai kiyi'aga nohane? Kai Elaiyaga nohapihe? Yoniu nona'a lu'ehina: O'e, ya'ma menohube. To aku'i loka he'ahana: Kai kaga lu huto hulata kegeba hu'ohuta bomo nohapihe? Ya lite loka hago Yoniu: O'e, lu'ehina.

Matiu 3:1

Ya'mana yupahi Yoniu Yutia kamelugu humofa'na huto mono ka ma luto lu epimofa'na hu'ehina:

Matiu 16:15

Ya lago Yesu lu epi'ehina: To lenalitini nani kumu'i kiyi'afube lite nigi'ni nehabe?