Matiu 16:13 - Ka Lamana'a Monoꞌi Lu Mu Tifiꞌehina Ka Yabe

¹³ Yesu Sisalia Filipai kegi'a buloto ya'mana kanalo koko pana'a ma luto enoloka ho'ehina: Asaga boana'magi Kokulumaguti limi'ehina Bo kumu'i hena hibe lite lilata nehabe?

Matiu 16:13 Referans Kwoze

Yoni 5:27

To ai Kokulumaguti limi'ehina Bomo nohinago asaga ka foya li epolose'nalo Pana'amofihi gi emi'ehibe.

Matiu 9:6

Ya hu'ehina nani lenali'i lenelepilube, Kokulumaguti limi'ehina Bouba ma melugu amuya li'ehinago foipana li he'milina'a huto ni'ibe. Ya luto lu epiloto gi yaha'a sibina hu'ehina bomofihi: Ho tito sipaka kofito hepakaga bubo.

Matiu 13:37

To Yesu ka'anilo lu'ehina: Bo ai hetofa nose'na legeya'a foyagu tili hulata nohinaya Kokulumaguti limi'ehina Bo nohibe.

Matiu 12:8

Kokulumaguti limi'ehina Bouba ai fuli kanamofihi sipi kaba bo'a nohibe.

Matiu 8:20

To Yesu lu emi'ehina: Lopi kalamo kalina muli'i ni'ibe to namamo kalina nohi ni'inaya to Kokulumaguti limi'ehina Bouba koto basu bilina hepa'i meni'ibe luto lu emi'ehina.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 7:56

Ya huloto Sitifeniu lu epi'ehina: Bu galo. Kokuluma'i i hokolo nohigo Hu'mamofihi yahi lamaga'aga koyapa'i Kokulumaguti limi'ehina Bo nohigo bu nogobe.

Yoni 12:34

To ya luto ligo bona'magi kagalo nona'a lu emi'ahana: Lali keya ka bukugu fayahi ge'ahana: Mesia ai minoba minobo hilina'mu, henabe luto enali Kokulumaguti limi'ehina Bomofihi meluguti le'mo saga hite ho fililabe, luto lu'ahata? Kokulumaguti limi'ehina Bo kiyi'afu nohibe?

Maki 10:45

To Kokulumaguti limi'ehina Bo ai henabe luto melugu noabe? Ai asaga bona'magi kele kele'i hi eminogo kibina bo'ani minalube luto o'ehifiye? O'e. Ai kele kele'i hu epalalube luto to enehe'malube luto o'ehina yabe. To bona'magi ai'i he fililenogo gufa'aloti'i silaga bona'i foipanaguti mina fito pa so epalalube luto o'ehina yabe. Yesu ya luto lu epi'ehina yabe.

Maki 8:38

To bo moneubafi ya'ma ka mekehelise foipa nehana kanagu nani kumu to ka'nimu megesa hu nimilenogo, nani Kokulumaguti limi'ohuna Bomofita, alihi ana huto nemegesa hu emito minalube. Nani alihi afo'nifu nele'mo bati hulenogo to fana meha'ni besa lago nohuto'ni to hetofa agelomagi hiti aluna kanagu nani ana bo'mu nemegesa hu emito minalube. Yesu ya luto lu epi'ehina yabe.

Matiu 25:31

Nani Kokulumaguti limi'ohuna Bo nohuto gihiti bo suhi huto oto agelomagi hiti aku aluta yupahi sipi kefa hisalo nani minaluna'mu yabe.

Matiu 15:21

To Yesu ana hepa'i he'miloto Taiya hiti to Saitoni hepa kegi'a bu'ehina yabe.

Matiu 13:41

Ai Kokulumaguti limi'ehina Bouba agelo'a enoho lifigo limite enali asaga'nauba bona'magihi hetofa hapa'ani li sibina nehilanana hiti to asaga bona'i foipa faipa suhi lite neminalana Hu'mamofihi kapo'aloti kaba hi'ehite enele'mo he'milana'mu yabe.

Matiu 12:32

To mone bouba Hu'mamofihi pana'amofihi kaga foipa lu etalinaya Hu'mau ana foipana'a li he'mi etalina'mu yabe. Ya hilinaya bo moneuba Sikalafu'mofihi kaga foipa'a lu etalinaya ana foipana'a Hu'mau li mehe'mi etalina'mu yabe. Yatai hiti aliha'a yupa hiti ana sunogo hilina'mu yabe, luto Yesu lu epi'ehina yabe.

Yoni 3:14

Koyapa'i Moseu ka melugu osifa'i yafalo'i li saga hu'ehina, ana supo lite Kokulumaguti limi'ehina Bouba yafalo li saga hilana'mu yabe.

Yoni 1:51

To Yesu ma luto lu epi'ehina: Nani ma'naka luto lu nolepube, kokuluma'i hokolo nohinogo Hu'mamofihi agelo'amagi Kokulumaguti limi'ehina Bomofilo tila limila nehinogo lenali bu galana'mu yabe.

Matiu 12:40

Yonau loegi monegi yege hiti sinihi hiti faya'mofihi komopa'agu ko'ehina'a huto Kokulumaguti limi'ehina Bouba yege loegi monegi hiti sinihi loegi monegi ana suhi huto ma me'i komopa'agu kalina'mu yabe.

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.