Matiu 15:33 - Ka Lamana'a Monoꞌi Lu Mu Tifiꞌehina Ka Yabe

³³ Koko pana'amagi Yesuhi loka he'ahana: Ya'ma ka me hepatoti lali babu nose'na hiya'agati liloto ya'ma babu boana'i epilune?

Matiu 15:33 Referans Kwoze

Luku 9:13

Ya nelago Yesu ma luto lu epi'ehina: Lenalitini nose'na epilo, lu'ehina. Enali ma lite li'ahana: Lali beleti nose'na loegi loegi monegi hiti faya'i loe hiti anasi li'ohune. Kai kekesa nokehelita asaga ya'ma babu bona'magihi nose'na sa sa huto mina filoto ito oto epilupihe?

Maki 6:37

Ya lago Yesu: Lenali nehanaya, lenalitini nose'na epilo, luto lu epi'ehina. Ya ligo enali ma lu emi'ahana: Kai kekesa kehelito lali buto 200 kinaloti'i nose'na mina fito ito oto epilupiye?

Matiu 14:15

Utehe kana nohigo Yesuhi koko pana'a aitoga elete ma lite lu emi'ahana: Ma hepatoga bona'i menehabe, to sinihi agilina'a nohibe. Ya nohinagi kai boana'i enoho lifitogo enali abino. Enali hepatoga bila ela hite nose'na'ani sa sa hite nalabe.

Matiu 15:32

Yesu koko panana'a kehe i nupa huloto ma luto lu epi'ehina: Ma bona kumu'i nani niginaga nofibe. Hena'mugope enali loegi monegi yupahi nani hiti mine'ahana yatai nose'na nalana'a meni'ibe. Nani nose'na meepise enoho lifinogo'ni bilana enali kapoga nebinogo enubu neta neta bilenogo ho kete kela ya hila hilabe'mu nolube.

Matiu 15:34

Ya lago Yesu enoloka ho'ehina: Lenali henaki'a beleti nose'na li'ahabe? Enali lu emi'ahana: Sebeni'a beleti hiti to faya'i lagaso meso'a loesi hiti li'ohune.